Тошкент вилоятининг Нурафшон шаҳрида сифатсиз нефть маҳсулотларини сотувга чиқарилиши олди олинган. Бу ҳақда Вазирлар Маҳкамаси ҳузуридаги “Ўзэнергоинспекция” ахборот хизмати хабар бермоқда.
Ўтказилган назорат тадбирларида Нурафшон шаҳрида жойлашган автомобилларга ёнилғи қуйиш шохобчасида сотилаётган автобензиндан намуна олиниб, лаборатория таҳлилларидан ўтказилганда Аи-92 русумли автобензин давлат стандарт талабларига мос келмаслиги (сифатсиз) маълум бўлган.
Бу каби ҳолатлар Ангрен шаҳрида ҳамда Паркент туманида жойлашган АЁҚШларда ҳам аниқланган.
Мазкур ҳолатлар юзасидан қоидабузарликка йўл қўйган ушбу АЁҚШларда камчиликлар бартараф этилгунга қадар биржа савдоларида иштирок этиши вақтинча тўхтатилган.
Аввалроқ Тошкент вилоятининг Оҳангарон, Янгийўл ва Паркент туманидаги АЁҚШларда ҳам Аи-92 русумли автобензин давлат стандарт талабларига мос келмаслиги аниқлангани хабар қилинган эди.
“Ўзэнергоинспекция” Аи-80 бензинини сотмасдан сақлаб турган заправкалар биржа савдоларида иштирок этиши вақтинча тўхтатилганини эълон қилганди. Сурхондарёда бензиндан “уриб” қолаётган АЁҚШ аниқланганди
Изоҳ (0)