Германия шарқидаги Гера шаҳрида номаълум шахс 46 ёшли аёлга бензин сепиб, уни трамвайда ёқиб юборди. Бу ҳақда Билд хабар берди.
Маълум қилинишича, ҳодиса 16 март куни маҳаллий вақт билан соат 10:00 атрофида содир бўлган. Ҳужумдан сўнг йўловчилар дарҳол транспортни тўхтатиш учун фавқулодда тугмани босган. Эшиклар очилиши билан ҳужум қилган эркак фурсатдан фойдаланиб қочиб кетган.
Трамвай ҳайдовчиси тезкорлик билан ҳаракат қилиб, ёнаётган аёлни ўт ўчиргич ёрдамида ўчирган. Жабрланувчи оғир куйиш жароҳатларини олган. У вертолётда касалхонага етказилган, аёлнинг аҳволи жуда оғир деб баҳоланмоқда. Полиция ҳолат юзасидан қотиликка суиқасд қилиш бўйича тергов бошлаган. Ҳозирда жиноятчининг жабрланувчи билан таниш-таниш эмаслиги ва шахси аниқланмоқда.
- 2024 йилда шунга ўхшаш ҳолат Нью Йорк метросида юз берган эди. Ўшанда номаълум эркак аёлни ёқиб юборган, жабрланувчи ҳалок бўлган. Полиция гумонланувчи ҳақидаги маълумот учун 10 минг доллар миқдорида мукофот эълон қилди. Эркакни қўлга олишда полицияга қўнғироқ қилиб, уни поездларнинг бирида кўрганларини айтган мактаб ўқувчилари ёрдам берди.
- Бундан ташқари январь ойида Мисрда ўқувчилар ўқитувчи аёлни ёқиб юборган эди. Ўқитувчи ўқувчилар табригидан сўнг, куйиш жароҳатлари билан касалхонага ётқизилган.
Изоҳ (0)