Қозоғистондан ер остидан ўтказилган қувур орқали бензин ташиганлар ушланди, деб хабар бермоқда ЎзА.
Маълум қилинишича, Тошкент вилоятининг Қибрай туманида яшовчи 1986-й.т. М.М. ва 1997-й.т. Х.Х. Қозоғистон фуқароси А.К. билан ўзаро тил бириктирган. Улар қўшни давлатдан Ўзбекистон ҳудудига ноқонуний йўллар билан Аи-92 маркали бензин ёнилғисини ўтказиш ва сотиш билан шуғулланган.
Улар ушбу ноқонуний ишни Қозоғистоннинг Туркистон вилояти Сариоғоч тумани ҳудудидан Тошкент вилоятининг Қибрай тумани ҳудудига ер остидан ўтказилган тахминан 300 метр узунликдаги қувур ичига шланг жойлаштириш орқали амалга оширишган.
Ҳозирда мазкур шахсларга нисбатан жиноят иши қўзғатилиб, тергов ҳаракатлари олиб борилмоқда.
Қозоғистон фуқароси А.К.га нисбатан чора кўриш бўйича қўшни давлат ҳуқуқни муҳофаза қилувчи органлари хабардор қилинди.
2024 йилнинг декабрь ойида Қозоғистон жанубида нефть маҳсулотларини контрабанда қилиш учун фойдаланилган Ўзбекистонга олиб борувчи туннел топилганди.
Изоҳ (0)