Япониянинг дунёга машҳур Kawasaki бренди югуриш ва сакраш хусусиятига эга Corleo робот отини намойиш этди. Бу ҳақда компания сайтида хабар берди.
Kawasaki уни одамларга илгари мавжуд бўлмаган жойларга хавфсиз саёҳат қилиш имконини берувчи “шахсий мобилликнинг келажаги” деб атамоқда. Бироқ компания 2050 йилга келиб уни оммавий ишлаб чиқариш имкониятини кўриб чиқмоқда. Аввало тематик боғлар, кўнгилочар марказлар ва хусусий коллекционерлар учун фойдаланишга мўлжалланади. Техник тафсилотлар унчалик кўп эмас, аммо шуниси маълумки, Corleo 150 кубометрли водород двигателига эга.
У электр энергияси ишлаб чиқаради ва бу қувват роботнинг ҳар бир оёғидаги моторларга узатилади. Роботнинг “мияси” ўрнида эса сунъий интеллектли борт компьютер ишлайди — у атрофдаги ҳолатни таҳлил қилиб, барқарорликни таъминлайди.
Бу шунчаки транспорт воситаси эмас, балки ҳар қандай жойда ҳаракатланиши, ҳатто қорли тоғларда ҳам сакраши мумкин бўлган тўрт оёқли йўлтанламас, дейишмоқда Kawasaki вакиллари.
Технология водород даражаси, чўққигача бўлган йўл ва бошқа маълумотларни кўрсатувчи асбоблар панели билан жиҳозланган. Тунда эса олдиндаги йўлни кўрсатиш учун йўл юзасидаги белгиларни проексиялаб беради.
Робот от одамни кундузи ҳам, кечаси ҳам тоғлар, далалар ва ўрмонлар бўйлаб олиб юради. Технология акс этган видео нейрон тармоқ ёрдамида яратилган ва ишлаб чиқувчиларнинг қурилма функциялари ҳақидаги тасаввурларини акс эттиради.
Изоҳ (0)