Ўзбекистонда экологик тоза бўлган транспорт воситалари йилдан йилга кўпайиб бормоқда. Бу эса атроф-муҳит тозалигини сақлаш ва экологик муҳитни яхшилашга катта ёрдам беради.
Мазкур жараёнларга ҳисса қўшиш ва электромобиллардан фойдаланишни яна рағбатлантириш мақсадида Марказий Осиёда ягона бўлган 480 кВт қувватга эга электромобилларни қувватлаш станцияси ишга туширилди.
"ВОLTАУТО" ва “ЎЗИМПЕКСАЛОҚА” компаниялари ҳамкорлигида бунёд этилган ушбу станция Huawei технологияларидан фойдаланган ҳолда бир вақтнинг ўзида 8 та электромобилни тезда қувватлантириш имкониятини тақдим этади.
Мижозлар учун ажойиб чегирмалар
Янги қувватлаш станцияси очилиши муносабати билан "ВОLTАУТО" ва “ЎЗИМПЕКСАЛОҚА” компаниялари мижозлар учун катта чегирмалар тақдим этади. Эндиликда сиз мазкур қувватлаш станциясига ташриф буюриб, ўз электромобилингизни қисқа вақтда ва қулай нархда қувватлаб олишингиз мумкин.
Қувватлаш станцияларидан фойдаланиш учун мобил иловани юклаб олишни унутманг.
"ВОLTАУТО" ва “ЎЗИМПЕКСАЛОҚА” компаниялари келгусида мижозларга янада кўпроқ қулайлик яратиш мақсадида бир қатор қувватлаш станцияларини очишни режалаштирмоқда. Ушбу лойиҳа Ўзбекистонда электромобилларнинг сонини ўсишига хизмат қилиб, табиатни асрашга ва экологик муҳитни яхшилашга ҳисса қўшади.
"ВОLTАУТО", “ЎЗИМПЕКСАЛОҚА” ва Huawei компаниялари томонидан биргаликда амалга оширилган мазкур лойиҳада инновацион ечимлар ҳаётга татбиқ этилган бўлиб, янги очилган қувватлаш станцияси Ўзбекистонда экологик тоза бўлган транспорт воситаларини кўпайиши йўлида муҳим қадамдир.
Волтауто компанияси 2021 йилда ташкил этилган бўлиб, бугунги кунда Марказий Осиёнинг 4 та давлатида (Ўзбекистон, Қозоғистон, Тожикистон, Қирғизистон) фаолият юритиб келмоқда. Компания шу пайтга қадар 40 га яқин шаҳарда 400 дан ортиқ турли қувватдаги (3,5 дан 200 кВт гача) қувватлаш станцияларини ўрнатган.
“ЎЗИМПЕКСАЛОҚА” компанияси импорт божхона тўловларининг тез ва тўлиқ, сифатли бажарилишини назорат қилиш бўйича кўп йиллик тажрибага эга.
Компания 1993 йилдан буён Рақамли технологиялар вазирлиги тизимидаги корхона ва ташкилотларга турли хизматлар кўрсатиб келади. Жумладан, моддий-техника ресурслари, асбоб-ускуналар, бутловчи қисмлар етказиб бериш бўйича шартномалар асосида импорт-экспорт операцияларини амалга ошириб келмоқда. Шу билан бирга, давлат харидлари, юк ташиш, божхона расмийлаштируви ва ташқи иқтисодий фаолият бўйича консалтинг хизматлари билан шуғулланади.
Қувватлаш станциялари ҳақидада тўлиқроқ маълумот учун: +998781137722
Реклама ҳуқуқи асосида
Изоҳ (0)