Европа Иттифоқи яқин кунларда Америка технология гигантлари Apple ва Meta’ни монополияга қарши қонунчиликни бузганлиги учун жаримага тортиши мумкин. Бу ҳақда Euractiv портали маълум қилган.
Портал маълумотларига кўра, тез орада Европа комиссияси (ЙК) томонидан океан орти технология компанияларининг ҳамжамиятнинг рақамли бозорлар ва рақамли хизматлар тўғрисидаги қонунларини бузиши бўйича текширув ўтказиш учун белгиланган 12 ойлик муддат тугайди. Брюссел Meta’ни 1 миллиард доллардан ортиқ жаримага тортишни режалаштирмоқда.
Европа назорат органлари Х’ни ҳам рақамли хизматлар тўғрисидаги қонунни бузганлиги учун жаримага тортиши мумкин. Бу қонун интернет-ресурс операторларини суд қарорисиз ҳамжамиятда тақиқланган деб белгиланган контентни олиб ташлашга мажбур қилади. Бироқ Илон Маскка тегишли платформа бўйича тергов ҳали якунланмаган.
2024 йилда ЙК Alphabet, Apple ва Meta компанияларига нисбатан бешта терговни бошлаган. Портал эслатиб ўтганидек, март ойида Брюсселда Apple ва Alphabet’га нисбатан учта қарор эълон қилинди, аммо уларнинг ҳеч бири жаримага тортилгани йўқ.
Еврокомиссия Google қидирув тизимини ўз ичига олган Alphabet компаниясига Европа Иттифоқининг рақамли бозорида рақобат қоидаларини мунтазам равишда бузаётгани тўғрисида огоҳлантириш юборганди.
Изоҳ (0)