U Three Kingdoms Kill Online o‘yinini 15 yildan beri o‘ynab kelmoqda, ammo virtual “kaltaklar” funksiyasi unga faqat endigina ruhiy zarar yetkazishni boshladi.
Jabrlanuvchi erkak Three Kingdoms Kill Online o‘yini yaratuvchilariga qarshi sudga murojaat qilib, 4800-martadan ortiq virtual ravishda “urish” tufayli depressiyaga tushganini aytdi.
Qiaoben taxallusi ostida tanilgan foydalanuvchi 15 yildan beri Three Kingdoms Kill Online reytingida eng yuqori o‘rinda turadi. Bu vaqt davomida erkak kishi o‘yin bilan vaqt o‘tkazishni yoqtirar edi. Biroq yaqinda har bir g‘alabadan keyin raqiblar uning avatariga turli narsalar, xususan tuxum va somon poyabzallarni otishni boshlagani bezovta qila boshladi. Bu esa uning qahramonining yuziga kuchli virtual taʼsir yetkazishiga olib keldi.
Foydalanuvchi o‘ynagan o‘yinlar soniga asoslanib, so‘nggi olti oy ichida uni 5000 marta “urishganini” taʼkidlaydi. “Har safar meni tuxum bilan urishganda, o‘zimga bo‘lgan hurmatimga zarar yetkazilganini his qilaman va depressiyaga tushaman”, dedi u.
O‘yinchi fikricha, o‘yin yaratuvchilari haqoratli narsalardan foydalanish imkoniyatini saqlab qolishmoqda, chunki bu ularning daromad manbalaridan biridir: tuxum va somon poyabzallarni foydalanuvchilar arzon narxda sotib olishlari mumkin.
Sudga murojaat qilishdan oldin foydalanuvchi o‘yinning texnik yordam xizmatiga bir nechta shikoyatlarni yubordi, lekin ular eʼtiborsiz qoldirildi. Shunda Qiaoben kompaniyaga qarshi daʼvo arizasi berib, axloqiy zararni qoplashni talab qildi. Biroq u o‘yin tufayli yetkazilgan zararni qanday miqdorda baholaganligi aniqlanmagan.
Bu o‘yin miloddan avvalgi 220-265-yillardagi Three Kingdoms davrida bo‘lib o‘tadigan ko‘p o‘yinchili jangovar o‘yin. U 2009-yilda Xitoyning sharqida joylashgan Xanjou shahridagi kompaniya tomonidan ishlab chiqilgan. O‘yinning har bir o‘yinida o‘rtacha to‘rttadan sakkizgacha o‘yinchi qatnashadi va 30 minutgacha davom etadi.
-QlF2f1Kh.avif)
Ilgari olimlar videoo‘yinlar ruhiy holat uchun foydali ekanligini va ularning aqliy holatga meditatsiya kabi taʼsir ko‘rsatishini isbotlagandilar. Tadqiqot natijalariga ko‘ra, kuniga atigi bir soat videoo‘yinlar o‘ynash ruhiy salomatlikka ijobiy taʼsir ko‘rsatadi.
Izoh (0)