Ҳамма нарсадан чарчаганлар учун: ҳаётга ва ишга иштиёқ уйғотадиган корейс сериаллари

Ҳар бир инсоннинг ҳаётида ташвиш, чарчоқ ва тушкунлик ҳолати кучайиб, мутлақ апатияга олиб келадиган босқичдан ўтади. Бундай вақтда авваллари катта мотивация берган мақсадлар қадри йўқолади, тонгда уйғонганда ҳаётдан маъно кўринмайди.

Кўпинча буларнинг барига ўзимизни сабабчи қиламиз: иродасизлик, мотивациянинг етишмаслиги ва етарли билим эгалламаганимиз учун ўзимизни айблаймиз... Аслида, бу узоқ ва машаққатли меҳнатдан сўнг чарчаш натижасида юзага келади. Бу шунчаки яхшилаб дам олиш, руҳан тикланиш, сўнг эса ҳаётдан нима исташингизни қайта кўриб чиқишингиз учун белгидир.

Агар ишни нимадан бошлашни билмасангиз, қуйидаги драма қаҳрамонлари қандай қарор қабул қилганлигини томоша қилишни тавсия қиламиз.

“Ҳеч нарса қилишни хоҳламайман”

• Давлат: Жанубий Корея
• Асл номи: 아무것도 하고 싶지 않아
• Премьера санаси: 2022 йил
• Жанр: романтика, мелодрама
• Режиссёрлар: Ли Юн Жунг, Хонг Мун Пё
• Ролларда: Ким Сеол Хюн, Им Си Ван, Шин Эун Су, Бан Чже Мин

Сюжет. Бош қаҳрамон Ё Рим кўп қийинчиликларни бошидан кечиради: аввал уни йигити ташлаб кетади, кейин эса онаси вафот этади. Стрессни енгиб, қандай яшашни ўйлаб, ишидан ҳам бўшайди. Кичик бир қишлоққа кўчиб ўтиб, ҳеч нарса қилмасликка қарор қилади.

У ерда қиз маҳаллий кутубхоначи Де Бомни учратади, у дудуқланиши туфайли одамлар билан камдан кам мулоқот қилади. Қиз янги таниши билан ўзини қулай ҳис қилади ва улар аста-секин бир-бирларини даволай бошлайдилар.

Сериал нимани ўргатади? Кўпчилик пул, обрў ва турли моддий нарсалар ортидан қувиб атрофдаги тинчлик ва осойишталикдан баҳраманд бўла олмайди ва асабий бўла бошлайди. Ушбу драмада бир муддатга барча юмушлардан танаффус қилиш ва атрофдаги оламга бошқача нигоҳлар билар назар солишни ўргатади.

“Шамолли жойлар”

• Давлат: Хитой
• Асл номи: 去有风的地方
• Премьера санаси: 2023 йил
• Жанр: романтика, драма
• Актёрлар: Лиу Ифей, Ли Сиан, Ху Бин Синг, Ню Тзюн Фен, Ма Мен Вей, Дун Синг

Сюжет. Меҳмонхонада ишлайдиган Ҳундоу исмли қизнинг яқин дугонаси саратон касаллигидан вафот этгач, унинг ҳаёти барбод бўлади. Қизга яқин инсонининг ўлимини тан олиш оғир кечади. Маълум вақт ўтгач, у дугонаси билан узоқ вақт режалаштирган, аммо амалга оширилмаган ишларни бажаришга қарор қилади. Ҳундоу меҳмонхонадаги ишини ташлаб, чекка қишлоққа боради ва у ерда маҳаллий тадбиркор Се Чжияо билан учрашади. Тадбиркор маҳаллий ҳудудни ривожлантириш ва қишлоққа сайёҳларни жалб қилиш ҳаракатида бўлади. Бу ишда Ҳундоу унга ёрдам беради.

Сериални кўришга сабаб. Сериал турли воқеалардан ташкил топган енгил ҳикоядан иборат. Ундаги ҳар бир қаҳрамон ҳаётида ҳар хил қийинчиликларни бошдан ўтказади. Драмадаги ажойиб табиат манзараси ва саундтреклар томошабинни эътиборсиз қолдирмайди.

“Менга таом олиб берадиган гўзал синглим”

• Давлат: Жанубий Корея
• Асл номи: 밥 잘 사주는 예쁜 누나
• Премьера санаси: 2018 йил
• Жан: романтика, мелодрама
• Актёрлар: Сон Е Жин, Чон Ҳе Ин, Ли Жу Ён, Гил Ҳе Ён, Юн Чон Сок

Сюжет. Жин Йи дугонасининг укаси хориждан қайтади. Йиллар ўтиши билан уларнинг бир-бирига бўлган ҳис-туйғулари ўзгаради, лекин ёшдаги катта фарқ ва жамоатчилик фикри уларнинг муносабатларига тўсқинлик қилади. Шунингдек, Жин Йи тартибсиз иш жадвалидан, ҳамкасблари ва оила аъзоларининг салбий муносабатидан азият чекади.

Сериал нимани ўргатади? Сериалда романтикага оид эпизодлар кўп, аммо бош қаҳрамоннинг ҳаёти билан танишгач, кўплаб томошабинлар унда ўзини кўради. Драмани кўргач, ишхонадаги раҳбарларнинг ўз ваколатларини суиистеъмол қилишларига тоқат қилиш керакми, ёки йўқ, деган хаёл келади.

“Об-ҳаво яхши бўлганда қайтаман”

• Давлат: Жанубий Корея
• Асл номи: 날씨가 좋으면 찾아가겠어요
• Премьера санаси: 2020
• Жанр: романтика, мелодрама
• Актёрлар: Со Кан Жун, Парк Мин Ён, Мун Чжон Ҳи, Нам Ки Э, Ли Чже Ук, Ким Ён Де

Сюжет. Истеъдодли виолончел мусиқа асбоби куйчиси Хе Вон она қишлоғига қайтиб келади, бундан унинг яқинлари унчалик ҳам хурсанд бўлмайди. Қиз эса рақобат кучли бўлган Сеул шаҳрига қайтиб боришни истамайди. Кунларнинг бирида у синфдоши, ҳозирда китоб дўконига эгалик қилаётган Ин Соб билан кўришиб қолади. Қизнинг ҳаётга бўлган қараши секин-аста позитив томонга ўзгариб боради.

Сериални кўришга сабаб. Сериалда Жанубий Кореянинг гўзал табиати тасвирланар экан, катта карьера қилиш ва машҳурликка эришиш доим ҳам ҳаётнинг мазмуни бўлавермаслиги кўрсатилади.

“Ўттиз тўққиз”

• Давлат: Жанубий Корея
• Асл номи: 서른 아홉
• Премьера санаси: 2022
• Жанр: драма
• Режиссёр: Ким Санг Ҳо
• Ролларда: Сон Е Чжин, Чон Ми До, Ким Чжи Хён, Ён У Чжин, Ли Му Сен, Ли Те Ҳван.

Сюжет. Болаликдан дўст бўлган уч нафар қиз ҳар доим бир-бирини қўллаб-қувватлайди. Албатта, ҳар бирининг ўзига яраша муаммоси бор, лекин улар 40 ёшга яқинлашганда, аста-секин кўп нарсани тушуна бошлайдилар.

Тўсатдан дугоналардан бири саратонга чалинганини билишади. Ўлим муқаррар эканлигини тушуниб, улар инкор этишдан қабул қилишгача бўлган босқичлардан ўтади ва дугонасининг қолган ҳаётини энг ёрқин хотиралар билан тўлдиришга ҳаракат қилишади.

Сериал нимани ўргатади? Драма вақтни беҳуда сарф қилмаслик лозимлиги ва ўлим муқаррар бўлгани билан, унинг тўсатдан келиб қолиш эҳтимоли ҳам мавжудлигини эслатади.

“Севгидан кейин нима келади?”

• Давлат: Жанубий Корея
• Асл номи: 사랑 후에 오는 것들
• Премьера санаси: 2024
• Жанр: романтика, драма
• Актёрлар: Ли Се Young, Сакагучи Кентаро, Ҳонг Жонг ҳюн, Накамура Энн

Сюжет. Бир вақтлар Чве Хон дунёни кезиш ва орзуларини амалга ошириш учун оиласидан Японияга қочиб кетган. У ерда қиз ёзувчи бўлишни орзу қилган япониялик Жунго билан танишади. Аммо уларнинг муносабатлари узоққа чўзилмайди ва охир-оқибат ажрашади. Орадан йиллар ўтгач, таниқли ёзувчи Жунго ўзининг янги романини тарғиб қилиш учун Кореяга келади ва Хонни ҳаётига қайтаришга уриниб кўради.

Сериал нимани ўргатади? Шубҳаланиш барча учун табиий ҳолат, бироқ баъзи шароитлардан ортиқча шубҳа бутун умрлик хатоликка сабаб бўлиши мумкин. мазкур драманинг сюжети қалбига қулоқ солмагани учун қанчалик кўп азоб-уқубатларни кўриша мажбур бўлиш мумкинлигини тасвирлаб беради.

“Романтик илова”

• Давлат: Жанубий Корея
• Асл номи: 로맨스는 별책부록
• Премьера санаси: 2019 йил
• Жанр: романтика, комедия
• Актёрлар: Ли Чон Сок, Ли На Ёнг, Ви Ҳа Жун, Чон Ю Жин, Чо Хан Чхол, Парк Гю Ёнг, Ким Сун Ёнг

Сюжет. Бир неча йил аввал Канг Дан Йининг оиласи бузилади. Туғруқ таътилидан сўнг уни ҳеч ким ишга олгиси келмайди, унинг турмуш ўртоғи эса ёш она ва болани ҳеч нарсасиз ташлаб кетади. Тақдир тақозоси билан у болаликдаги дўстининг корхонасига ишга киради. Аммо иш берувчи Ин Хон уни ҳануз яхши кўришини билмайди.

Сериал нимани ўргатади? Турли мураккаб вазиятларга тушиб қолганда атрофдагилардан: яқин қариндош ёки дўстлардан ёрдам сўрай билиш кераклиги тушунтирилади. Шунингдек, сериалда меҳнат бозоридаги адолатсизликлар ҳам тасвирланган.