Yozgi transfer oynasida Madridning “Real” klubi murabbiylar shtabida o‘zgarish bo‘lishi mumkin. Amaldagi bosh murabbiy Karlo Anchelotti o‘rniga Germaniyaning “Bayer” klubida faoliyat yuritayotgan Xabi Alonso nomzod sifatida ko‘rilmoqda.
Defensa Central nashrining xabar berishicha, Alonso “Real” rahbariyatiga aniq talab qo‘ygan. 43 yoshli mutaxassis may oyida kelajagi borasidagi masala hal etilishini istamoqda. Agar bu muddatga qadar kelishuvga erishilmasa, u keyingi mavsum uchun “Bayer” bilan tayyorgarlik ko‘rishni boshlab yuboradi.
Ma’lumot uchun, Xabi Alonsoning “Bayer” bilan amaldagi shartnomasi 2026-yilning yozigacha mo‘ljallangan. Karlo Anchelottining Madrid klubi bilan tuzgan bitimi ham shu muddatgacha amal qiladi.
Agar “Real” rahbariyati Alonso bilan kelishuvga erishmoqchi bo‘lsa, tezroq qaror qabul qilishi talab etiladi. Aks holda madridliklar boshqa murabbiy nomzodini ko‘rib chiqishga majbur bo‘ladi.
Izoh (0)