АҚШ Махфий хизматлари сафига Boston Dynamics компанияси томонидан ишлаб чиқарилган биринчи робот-ит қўшилди. Бу ҳақда BBC хабар берди.
Улардан бири Флорида штатининг Палм-Бич шаҳридаги сайланган президент Дональд Трампнинг Мар-а-Лаго қароргоҳи ҳудудида патруллик қилмоқда. Тўрт оёқли патрул роботнинг номи — Spot — сўз ўйини асосида танланган. Инглиз тилида “spot” нафақат “нуқта” ёки “доғ” маъносидаги от, балки феъл сифатида “топмоқ” ёки “кузатмоқ” маъносида ҳам қўлланилади.
Электрон ит тўлиқ автоматлаштирилган ҳолда олдиндан белгиланган йўналишда ҳаракатланиши ёки масофадан бошқарилувчи режимда ишлаши мумкин. Ҳар бир металл оёқда “Силаманг!” деган огоҳлантирувчи ёзув бор.
Ким бундай итни силашни хоҳлашини тушунмайман. У умуман ёқимтой эмас”, дейди Калифорниядаги Менло хусусий коллежининг сиёсатшуноси Мелисса Мичелсон.
Бизнинг асосий устувор вазифамиз — сайланган президентнинг хавфсизлиги, дейди АҚШнинг жамоатчилик билан алоқалар бўйича махфий хизмати раҳбари Энтони Гулелми.
Сўнгги бир неча ой ичида АҚШдаги сайловолди кампанияси давомида Трампнинг ҳаётига икки марта оммавий суиқасд уюштирилди. Биринчи марта июлда, Пенсильванияда сайловчилар билан учрашувда; иккинчиси сентябрда, Мар-а-Лагодаги гольф майдонида юз берди.
Изоҳ (0)