Буюк Британия “янги глобал беқарорлик даври” деб аталаётган даврда харажатларни камайтириш ва самарадорликни ошириш мақсадида давлат органларини ислоҳ қилишга интилаётгани сабабли юзлаб мустақил ҳукумат муассасаларини ёпиши мумкинлигини маълум қилди.
Буюк Британияда юзлаб қуангос ёки квази-мустақил нодавлат ташкилотлари мавжуд. Улар солиқ тўловчилар ҳисобидан молиялаштирилади, бироқ вазирлар томонидан назорат қилинмайди.
Reuters агентлиги хабар қилишича, улар Соғлиқни сақлаш ва хавфсизлик бўйича ижроия қўмитаси, Темир йўл тармоғи ва Миграция масалалари бўйича маслаҳат қўмитаси каби давлат органларини ўз ичига олади.
Молия вазири Рейчел Ривз АҚШ президенти Дональд Трампнинг иқтисодий ўсиш прогнозларини пасайтирган тарифлари оқибатларини бартараф этиш билан бир вақтда молиявий қоидаларга риоя қилишга ҳаракат қилаётгани сабабли Буюк Британия “камарларни қисиш” режимида ишламоқда.
Ҳукумат огоҳлантирганидек, глобал беқарорлик маъмурий тизимни ислоҳ қилишда “янада илгарилаб ва тезроқ ҳаракат қилиш” зарурлигини англатади.
Ўтган ойда бош вазир Кир Стармер NHS England (соғлиқни сақлаш тизимини назорат қилувчи орган)ни тугатиб, унинг вазифаларини ҳукуматнинг соғлиқни сақлаш вазирлигига қайтариш ва шу орқали юзлаб миллион фунт стерлингни тежаш ниятида эканлигини маълум қилди.
Изоҳ (0)