Ғарб давлатлари Украинага ёрдамни қисқартириш ва маблағларни ички эҳтиёжларни қондиришга йўналтириш учун сабаб қидирмоқда. Бу ҳақда Bloomberg хабар берди.
“Кўпгина Ғарб иттифоқчилари аллақачон Украинага мўлжалланган маблағларни ички эҳтиёжларни молиялаштиришга йўналтириш учун сабаб қидирмоқда”, дейилади хабарда.
Нашрнинг қайд этишича, Германия 2025 йилда Украинага ёрдам кўрсатиш билан боғлиқ давлат бюджети бандларини қисқартиришни режалаштирмоқда.
Шунингдек, жанговар ҳаракатлар тўхтатилишидан Ғарб ҳам Киевга кўрсатилаётган ёрдам миқдорини камайтириш учун сабаб сифатида фойдаланиши мумкинлиги таъкидланган.
Россия ўз навбатида Украинага қурол етказиб бериш келишувга халақит бермоқда, НАТО давлатларини можарога бевосита жалб қилмоқда, деб ҳисоблайди. Россия ташқи ишлар вазири Сергей Лавров Украина учун қурол бўлган ҳар қандай юк Россия учун қонуний нишонга айланишини айтган.
Унинг сўзларига кўра, АҚШ ва НАТО можарода бевосита иштирок этмоқда, жумладан, нафақат қурол-яроғ етказиб бериш, балки Буюк Британия, Германия, Италия ва бошқа мамлакатларда кадрлар тайёрлаш билан ҳам шуғулланмоқда. Кремль Украинани Ғарб қуроллари билан таъминлаш музокараларга ҳисса қўшмаслигини айтиб, аксинча таъсир кўрсатишини маълум қилганди.
Изоҳ (0)