Буюк Британия қирғоқлари яқинида ҳарбийлар Россия томонидан мамлакатнинг атом сувости кемаларини кузатиш учун ишлатилиши мумкин бўлган сенсор датчикларни аниқлади. Бу ҳақда The Sunдай Times хабар берди.
Журналистлар бу борада собиқ мудофаа вазирлари, юқори мартабали ҳарбийлар ва экспертлар билан суҳбатлашди. Бир нечта қурилма қирғоққа чиқиб қолгани туфайли аниқланган. Қолганлари Британия ҳарбий-денгиз флотининг мина қидирувчи кемалари ёрдамида топилган. Бу қурилмалар “сўнгги йилларда” аниқлангани айтилмоқда.
Британия Мудофаа вазирлиги версиясига кўра, улар ядровий каллакли ракеталар билан жиҳозланган тўртта Британиянинг Вангуард сувости кемалари ҳаракатини кузатиш учун Москва томонидан ўрнатилган.
The Sunдай Times нашрининг икки суҳбатдоши таъкидлашича, тахминан 2020 йилда Британия учун “ўта муҳим” сувости кабеллари ёнида Россиянинг сувости дронлари топилган.
Яқин атрофда ҳеч қандай кема бўлмагани учун дронлар кабелларга етиб келиш учун узоқ масофаларни босиб ўтган деб тахмин қилиш мумкин, дейилади хабарда.
Мудофаа вазирлиги дронлар сувости алоқа тизимларига зарар етказишга уринганини айтмоқда. Бироқ бугунги кунда бунинг уддасидан чиққанига ҳеч қандай далил йўқ.
The Sunдай Times нашрининг Мудофаа вазирлигидаги уч нафар суҳбатдоши айтишича, Россия қўшинларининг Украинага кенг кўламли бостириб киришидан олдин ҳам Лондонда россиялик миллиардерларнинг суперяхталари Буюк Британия қирғоқлари яқинида разведка учун ишлатилгани ҳақида маълумотлар бўлган.
2018 йилда Британиянинг HMS Албион десант кемаси “рус олигархи”га тегишли улкан яхта унинг ёнида тўхтагач, Лимассолдаги портни тарк этишга мажбур бўлган. Кема экипажи яхта яширин кузатув олиб бораётганини гумон қилиб, портни тарк этган.
Юқори мартабали ҳарбийлар сув остидаги технологик рақобатни совуқ уруш давридаги АҚШ ва Совет Иттифоқи ўртасидаги космик пойгага қиёсламоқда.
Изоҳ (0)