31 мартдан 5 апрелга қадар Бразилиянинг Фос-ду-Игуасу шаҳри World Boxing ташкилоти кубоги баҳсларига мезбонлик қилди. Бугун мусобақанинг финал жанглари бўлиб ўтди.
Эркаклар терма жамоаси билан иштирок этган Тўлқин Қиличев бошчилигидаги ўзбекистонлик боксчиларнинг 7 нафари финал йўлланмасини қўлга киритиб, улардан 5 таси олтин медални нақд қилди. 2 нафар боксчи ҳал қилувчи босқичда имкониятни бой бериб, кумуш медалларга эга чиқди.
Қайд этиш керак, Ўзбекистон бокс терма жамоаси эркаклар кесимида 10 та вазннинг 8 тасида совриндор бўлди. 5 та олтин, 2 та кумуш ва 1 бронза медалларга эга чиқиб, умумжамоа ҳисобида биринчиликни қўлга киритишди.
Ўзбекистондан кейинги ўринларни мезбон Бразилия 3 та олтин, 2 кумуш ва 4 та бронза билан иккинчи ўринни эгаллаган бўлса, Қозоғистон жамоаси 3 олтин (икки эркак, бир аёл) ва 3 та бронза билан кучли учликка якун ясаган.
Ғолиб ва совриндор бўлган Ўзбекистон терма жамоаси аъзолари:
Олтин медал:
-50 кг. Асилбек Жалилов
-75 кг. Фазлиддин Эркинбоев
-80 кг. Жавоҳир Умматалиев
-90 кг. Тўрабек Хабибуллаев
+90 кг. Жаҳонгир Зокиров
Кумуш медал:
-55 кг. Миразизбек Мирзаҳалилов
-85 кг. Акмалжон Исроилов
Бронза медал:
-60 кг. Мадияр Данияров
Изоҳ (0)