Қозоғистон ҳам IBA’ни тарк этиб, янги тузилган бокс ташкилотига аъзо бўлиш учун ариза топширди

Қозоғистон бокс федерацияси IBA’ни тарк этиб, янги тузилган World Boxing ташкилотига аъзо бўлиш ниятида.

Мамлакат бокс федерацияси расман World Boxing’га аъзо бўлиш учун ариза берди.

Ҳозирда боксни Олимпиадада сақлаб қолиш ХОҚ даражасида муҳокама қилинмоқда. Биз боксни Олимпия ўйинларида сақлаб қолиш учун барча мамлакатлар билан ҳамкорлик қилишга тайёрмиз.

World Бохинғнинг Олимпия комиссияси раиси, Қозоғистон Олимпия қўмитаси президенти Геннадий Головкин билан учрашувда ватанимиз боксини ривожи борасида муҳокамалар қилдик, — деди мамлакат бокс федерацияси раҳбари Шахмурат Муталип.

Қозоғистон Миллий Олимпия қўмитаси президенти Геннадий Головкин World Boxing ташкилотининг Олимпия комиссияси раҳбарига айланди.

Собиқ боксчи бу лавозимда бошқа спорт ташкилотлари билан ҳамкорлигида World Бохинғнинг шаффофлиги масалаларига жавоб беради. Шунингдек, у бокснинг Олимпия ўйинлари дастурида қолиши бўйича Халқаро Олимпия қўмитаси билан ҳамкорлик қилади.

Маълумот учун, World Boxing ташкилотида нидерландиялик Борис ван дер Ворст президент ҳисобланади. Ташкилотга ҳозирга қадар 44 та мамлакат аъзо бўлган.

Аввалроқ Жазоир бокс федерацияси World Boxing Бутунжаҳон бокс ташкилотига қўшилганди.

Август ойида бирданига 5 давлат — Хитой Тайпейи, Покистон, Бутан, Фижи ва Эквадор ҳам World Boxing аъзосига айланганди.

Ўзбекистон МОҚ Бош котиби Ойбек Касимов World Boxing билан музокаралар олиб борилаётганини таъкидлаган эди.