Жорий йилнинг 12 декабрь куни Таиланднинг Бангкок шаҳрида World Boxing ташкилоти қошида Осиё бокс конфедерацияси ташкил этилиши юзасидан миллий федерациялар раҳбарлари иштирокида йиғилиш бўлиб ўтган эди.
Унда бир овоздан Осиёнинг 21 та давлати “Лос-Анжелес-2028” ёзги Олимпия ўйинларида бокс спорт турини сақлаб қолиш йўлида World Boxing ташкилотининг конфедерациясини янгидан тузилишини маъқуллади.
Куни кеча эса навбатдаги миллий федерациялар иштирокида йиғилиш бўлиб ўтди. Унда янги тузилган Asian Boxing ташкилотига вақтинчалик президент этиб таиландлик Пичай Чунхаважира сайланди.
Шу билан бирга, ташкилотнинг низомини ва норматив ҳужжатларини ишлаб чиқиш учун вақтинчалик ижроия қўмитаси аъзолари ҳам сайланди.
Ушбу рўйхат таркибига Ўзбекистон бокс федерацияси бош котиби Шоҳид Тиллабоев ҳам киритилди.
Шунингдек, Ўзбекистон бокс федерацияси раиси маслаҳатчиси Малик Бабаев Олимпия комиссиясида фаолиятини давом эттирадиган бўлди.
Аввалроқ икки карра Олимпиада чемпиони Ҳасанбой Дўсматов Ўзбекистонда 2024 йилнинг энг яхши эркак спортчи сифатида эътироф этилгани хабар берилганди.
Изоҳ (0)