Нигериялик боксчи Габриэль Олувасегун Оланреважу Ганада ўтказилган жанг вақтида ҳушидан кетиб, 40 ёшида ҳаётдан кўз юмди. Бу ҳақда Британиянинг BBC телерадиокомпанияси Гана бокс бошқармасига (ГБА) асосланиб маълум қилмоқда.
Маълумотларга кўра, боксчи Аккрада (Гана) ярим оғир вазн тоифасида ганалик Жон Мбангуга қарши жангнинг учинчи раундида ҳушини йўқотган. Дастлабки тиббий ёрдам кўрсатилгандан сўнг, Оланреважу Корле-Бу шифохонасига етказилган. Бироқ тез тиббий ёрдамларга қарамасдан у шифохонада вафот этган.
Оланреважу ўз фаолияти давомида 13 та ғалаба (шундан 12 таси нокаут билан), 8 та мағлубият ва 2 та дуранг қайд этган. Профессионал рингда Оланреважу Нигерия ва Ғарбий Африка чемпиони унвонларини қўлга киритган, шунингдек Африка чемпионлиги учун ҳам жанг қилган.
Изоҳ (0)