31-martdan 5-aprelga qadar Braziliyaning Fos-du-Iguasu shahri World Boxing tashkiloti kubogi bahslariga mezbonlik qildi. Bugun musobaqaning final janglari bo‘lib o‘tdi.
Erkaklar terma jamoasi bilan ishtirok etgan To‘lqin Qilichev boshchiligidagi o‘zbekistonlik bokschilarning 7 nafari final yo‘llanmasini qo‘lga kiritib, ulardan 5 tasi oltin medalni naqd qildi. 2 nafar bokschi hal qiluvchi bosqichda imkoniyatni boy berib, kumush medallarga ega chiqdi.
Qayd etish kerak, O‘zbekiston boks terma jamoasi erkaklar kesimida 10 ta vaznning 8 tasida sovrindor bo‘ldi. 5 ta oltin, 2 ta kumush va 1 bronza medallarga ega chiqib, umumjamoa hisobida birinchilikni qo‘lga kiritishdi.
O‘zbekistondan keyingi o‘rinlarni mezbon Braziliya 3 ta oltin, 2 kumush va 4 ta bronza bilan ikkinchi o‘rinni egallagan bo‘lsa, Qozog‘iston jamoasi 3 oltin (ikki erkak, bir ayol) va 3 ta bronza bilan kuchli uchlikka yakun yasagan.
G‘olib va sovrindor bo‘lgan O‘zbekiston terma jamoasi a’zolari:
Oltin medal:
-50 kg. Asilbek Jalilov
-75 kg. Fazliddin Erkinboyev
-80 kg. Javohir Ummataliyev
-90 kg. To‘rabek Xabibullayev
+90 kg. Jahongir Zokirov
Kumush medal:
-55 kg. Mirazizbek Mirzahalilov
-85 kg. Akmaljon Isroilov
Bronza medal:
-60 kg. Madiyar Daniyarov
Izoh (0)