World Boxing ташкилоти яна 5 та миллий федерацияни таркибига қўшиб олганини маълум қилди.
Хитой Тайпейи, Покистон, Бутан, Фижи ҳамда Эквадор бокс федерациялари World Boxing ташкилоти аъзолигига қабул қилинди. Шу тариқа ташкилотга аъзо давлатлар сони 42 тага етди.
“Мен Хитой Тайпейи, Покистон, Бутан, Фижи ва Эквадорни World Boxingга қўшилганидан хурсандман ва уларнинг ҳар бири билан Олимпия бокс ҳаракатининг марказида бўлишини таъминлаш учун яқиндан ҳамкорлик қилишни интиқлик билан кутмоқдаман. Халқаро бокс ўзгаришларга муҳтож. Кўплаб миллий федерациялар Олимпия ҳаракати доирасида бокснинг келажаги бўлишини таъминлашнинг ягона йўли World Boxingга қўшилиш эканини тушунмоқда”, деди World Boxing президенти Борис ван дер Ворст.
ХОҚ томонидан тан олиниши учун эса ташкилот аъзолар сони уч минтақадан камида 50 та давлатдан ошиши лозим.
Ташкилот яна тез орада янги аъзолар қўшилишини маълум қилган. Ташкилот ХОҚ томонидан тан олинса, аъзолар 2028 йилги Лос-Анжелес Олимпиадасида иштирок этиши мумкин бўлади.
Изоҳ (0)