Халқаро бокс ассоциациясига (IBA) альтернатив тарзда тузилган World Boxing ташкилоти ўз таркибига янги федерациялар қўшилганини эълон қилди.
Канада, Бразилия, Аргентина, Германия, Гондурас ҳамда Швеция спорт федерациялари тўлақонлик World Boxing аъзосига айланди. Аввалроқ, Австралия, Англия, Буюк Британия, Нидерландия, Янги Зеландия ва АҚШ ушбу ташкилот аъзолигини қабул қилганди.
Эслатиб ўтамиз, World Boxing ташкилоти 2023 йил апрель ойида тузилганди.
22 июнь куни Халқаро Олимпия қўмитаси (ХОҚ) IBA’ни 2024 йил Парижда бўлиб ўтадиган Олимпия ўйинларида бокс жангларини ташкил этиш ҳуқуқидан маҳрум қилганди. ХОҚнинг 2 июндаги ҳисоботига кўра, ИБА 2021 йилнинг декабрида мақомни тўхтатишни бекор қилиш бўйича қўйилган шартларни бажармаган.
Изоҳ (0)