Томошабинлар эътиборидан четда қолган, аммо ўта доҳиёна ўйланган машҳур фильмлардаги кадрлар

Кўплаб фильмларда ишлатилган реквизитлар аслида сиз ўйлаганчалик эмас, режиссёрлар ва фильм ижодкорлари бунинг ўрнига турли хил усуллардан фойдаланади.

“Узуклар ҳукмдори” — мажбурий перспектива

Фантастика фильмларида гномларни тасвирлаш учун режиссёрлар кўпинча гномларни ўйнаётган актёрлар билан саҳналарни суратга олиб, кейин бошқа актёрлар билан саҳналарни қўшиб бир фон устига жойлаштирадилар. Питер Жексон “Узуклар ҳукмдори” фильмида бунинг ўрнига мажбурий перспектива усулидан фойдаланган. Масалан, Гендалф стол ёнида ўтириб, Фродо иссиқ чой қуяётгандек кўринади, лекин аслида Фродо ярим метр узоқда туради. Бу усулда стол уч қисмга бўлиниши, тўғри ракурслар танланиши муҳим, чунки нотўғри ҳаракат мажбурий перспектива эффектини йўқотиши мумкин.

Гарри Поттер — миниатюра моделлари

2000 йилларнинг бошларида графикалар ўта юқори даражада бўлмагани сабабли Крис Коламбус биринчи фильмни яратишда амалий эффектлардан фойдаланишга ҳаракат қилади — бу квиддитч ва бошқа бир неча саҳналарда аниқ кўзга ташланади. Бундан ташқари, ҳавода муаллақ турган шамлар симлар билан боғланган, аммо эриган мум ёш актёрларга томчилаб тушган. Ҳогвартс узоқ масофадан кўрсатилганда компьютер моделидан фойдаланилади, оригинал Ҳогвартснинг эса фақат модели ишланган. Миниатюралар нафақат фантастик фильмларда, балки бошқа картиналарда ҳам тез-тез ишлатилади. Масалан, “Лаънатланганлар ороли” фильмидаги қамоқхона блоки миниатюрада яратилган, чунки бундай бинонинг ўзи йўқ. “Юлдузлар жанги” фильмида эса Жорж Лукас АТ-АТ ва бошқа жанговар машиналарнинг кичик моделларини ишлатган.

“Юлдузлар жанги” — яшил одам

“Юлдузлар жанги” фильмида Жорж Лукас ҳам бошқа режиссёрлар каби турли усуллардан фойдаланган. Масалан, R2-Д2 ҳақиқий актёр томонидан ўйналади, у металл костюм ичида ўтириб, ўзини ўзи ҳаракатлантиради. ББ-8 эса жуда кичик бўлгани учун унинг ичига ҳатто бола сиғолмаган. Шунинг учун уни ҳаракатлантирган одам яшил костюмда бўлган, кейинчалик у кадрдан ўчирилган.

“Терминатор-2: қиёмат куни” — кўзгу

Операторлар кўпинча турли объектларнинг, айниқса, кўзгу аксларида тасвирга тушиб қолади. Ҳозирда уларни ўчириш осон бўлса-да, илгари бу муаммо бўлган ва режиссёрлар бошқа усулларни излашган. Энг қизиқарли усуллардан бири Жеймс Кемерон томонидан “Терминатор-2” фильмида ўчирилган саҳнада намойиш этилган. Ўша саҳнада Сара Конор Т-800 ни кўзгу олдида тайёрлайди, лекин оператор ойнада кўринмайди. Бунинг сабаби у ерда кўзгу эмас, балки дераза ўрнатилган, натижада дераза аксида бошқа одамлар кўринган. Дераза олдида Линда Ҳемилтон ва Эдвард Фурлонг турган, Т-800 эса Арнольд Шварценеггернинг сунъий модели бўлган. Дераза ортида эса Линданинг эгизак синглиси Лесли, Эдвард Фурлонгнинг дублёри ва Арнольд Шварценеггернинг ўзи турган. Линда, Лесли, Эдвард ва унинг дублёри ҳаракатларини ўзаро мувофиқлаштириб, синхронлаштириб, бир-биридан фарқ қилмасликлари учун жуда кўп меҳнат қилишган. Шварценеггер эса шунчаки ўтириши керак эди.

“Матрица” — ниқобланган камера

“Матрица” фильмидаги яқин планда эшик тутқичининг аксида Нео ва Морфей тасвирланган. Аксда оператор ҳам бўлиши кераклиги ҳақида ҳеч ким ўйламайди. Лекин оператор қаёққа кетди? У ҳеч қаёққа кетмаган. У тўғридан тўғри Киану Ривзнинг олдида турибди ва объективни тутқичга қаратмоқда. Бу эффектга эришиш учун оператор ва камерага Морфейникига ўхшаш палто кийдирилган ва устига яшил галстук қўйилган.

“Узуклар ҳукмдори” — катта узук

Маълумки, “Узуклар ҳукмдори” фильмида 19 та узук ва битта ҳукмронлик узуги ясалган. Аммо Саурон яна бир 21-узук борлигини билмасди, бу узук фақат тоғ троллининг бармоғига мос келарди. Суратга олиш вақтида у жуда кам ишлатилган. Масалан, тоғларда Фродо узукни йўқотиб, уни қор устида кўрганида, айнан шу узук ишлатилган.