“Матрица” премераси бўлганига 25 йил бўлди. Мазкур култ фильм қайта-қайта кўрилса-да, баъзи жумбоқлар ечилмай қолгандек туюлади. Улардан бири қуёшдан ҳимояловчи кўзойнаклар билан боғлиқ.
“Матрица”нинг қайси қаҳрамонлари қора кўзойнак таққан?
Матрица ҳақидаги ҳақиқатни биладиган деярли барча қаҳрамонлар — Тринити, Морфеус, агент Смит, Нео ҳам қора кўзойнакда намоён бўлади. Бироқ бошқа томондан, бундай аксессуарсиз бемалол юрадиган персонажлар ҳам бор. Масалан, архитектор ёки башоратчи аёл.
Матрица оламида ҳар бир персонаж ўзига хос қиёфа яратиши мумкин, аммо негадир уларнинг барчаси қора кўзойнак тақади. Ваҳоланки, бу аксессуар ҳеч қандай қўшимча куч бермайди ва жанг қилиш қобилиятларини оширмайди. Шундай бўлса-да, унинг ўзига хос маъноси бор.
Бир талқинга кўра, кўзойнак ҳақиқат рамзига айланиб, томошабинларга қайси қаҳрамонлар ҳали ҳам сароб дунёсида яшаётганини кўрсатади. Айниқса, Нео қизил ва кўк таблеткадан бирини танлаши керак бўлган кадр жуда таъсирчан кўринади. Таблеткаларннинг акси Морфеус кўзойнаги линзаларида аниқ кўринади.
Бундан ташқари, бу аксессуар рақамли олам ва ҳақиқий дунё ўртасидаги фарқни таъкидлайди. “Матрица”да қаҳрамонлар жуда замонавий услубда — қора кўзойнакдан тортиб чарм плашгача кийинади. Ҳар бир детал уларнинг қиёфасини ҳиссиз ва механик қилиб кўрсатади. Аксинча, оддий дунёда улар оддий ва содда кийим кийишади.
Қора кўзойнак тақмайдиган архитектор ва башоратчи аёлга келсак, бу уларнинг ўз тушунчаларида Нео ёки Морфеусдан анча илгарилаб кетганликларига ишора бўлиши мумкин. Эҳтимол, улар Матрица тизимининг бутун тузилишини мукаммал билар.
Изоҳ (0)