Мультфильмларни ҳамма яхши кўради — болалар ҳам, катталар ҳам. Буни “Бошқотирма-2”нинг премьераси исботлади. Бугун эътиборингизга шу йил кўриш керак бўлган бошқа мультфильмларни ҳам тақдим этамиз.
“Орион ва зулмат”
Орион исмли болакай ҳамма нарсадан қўрқади: қизлардан, жамоа олдидаги масъулиятдан, дарсда нотўғри жавоб беришдан. Айниқса, зулматдан. Бир куни Зулмат Орионга уни саёҳатга олиб чиқиш орқали у умуман қўрқинчли эмаслигини кўрсатиш учун келади.
“Кунг-фу панда-4”
Устоз Шифу Пони Аждарҳо жангчиси бўлишдан воз кечиб, Тинчлик водийсининг руҳий етакчиси бўлишга таклиф қилади. Аммо панда ўзининг ташқи қиёфасини ўзгартиришга ва бошқа кунг-фу усталарининг услубига тақлид қилишга қодир бўлган янги душман — Буқаламунни мағлуб этиш учун жанг қилиши керак.
“Гарфилд”
Гарфилд тўсатдан отаси — кўча мушуги Вик билан учрашади. Қаҳрамонлар биргаликда саёҳатга чиқишади ва уларга Гарфилднинг ит дўсти Оди ҳамроҳлик қилади. Янги мультфильмда малла мушукка Крис Пратт овоз берган.
“Бошқотирма-2”
“Бошқотирма-2”ни Pixarънинг бир қатор муваффақиятсиз лойиҳаларидан сўнг инқироздан чиқишга бўлган янги уриниши деса ҳам бўлади. Мультфильмда Райли катта бўлади ва унинг бошида янги ҳис-туйғулар пайдо бўлади. Улар орасида апелсинранг Хавотир, Ҳасад, Бефарқлик ва Уятни ҳам кўриш мумкин.
“Яхши бўлиш осонми 4”
Грю, Люси ва уларнинг қизлари Марго, Эдит ва Агнес — отасини қийноққа солишга қарор қилган оиланинг янги аъзоси кичик Грюни кутиб олишади. Грю Максим Ле Мал ва унинг хавфли севгилиси Валентина тимсолида янги душманга дуч келади ва шунинг учун оила бошқа шаҳарга қочишга мажбур бўлади.
“Узуклар ҳукмдори”
“Ёлғизлик синдроми” фильми режиссёри Кенжи Камияма “Узуклар ҳукмдори” фильмига асосланган анимега режиссёрлик қилди. Воқеалар Питер Жексон фильмларидаги воқеалардан бир неча асрлар олдин содир бўлади ва сюжетда Роҳаннинг афсонавий қироли Ҳелм Ҳаммерханд ҳақида ҳикоя қилинади.
“Муфаса: Қирол шер”
“Муфаса: Қирол шер” оригинал ҳикоянинг олдинги қисмидир. Фильм воқеалари Муфасанинг болалиги ва Скар билан муносабатлари ҳақида тафсилотларни очиб беради.
“Ултраман: чўққи сари йўл”
Бейсболчи Кен Сато афсонавий қаҳрамон Ултраменнинг қудратига эга бўлади. Тез орада унга ғайриоддий вазифа берилади: қаҳрамон ўз душманининг боласи — аждаҳога ўхшаш кайзюни тарбиялаши керак.
Изоҳ (0)