“Дўстлар” сериали ҳанузгача тарихдаги энг қиммат сериал бўлиб қолмоқда — битта эпизод (жами 234 та бўлган) продюсерларга 10 миллион долларга тушган, аммо “Тахтлар ўйини” 74 қисм билан чекланмаганида, бу лойиҳа албатта рекордни янгилаган бўларди.
“Тахтлар ўйини”
HBO Жорж Р.Р.Мартиннинг романлари асосидаги сериалнинг биринчи мавсумини тақдим қилганида ҳар бир эпизоднинг нархи 6 миллион долларни ташкил этган, аммо “Тахтлар ўйини”нинг саккизинчи ва сўнгги мавсумида бир эпизоднинг нархи 15 миллион долларга кўтарилади.
Агар “Тахтлар ўйини”нинг давомийлиги афсонавий “Дўстлар” ситкомига (234 эпизод) қиёсланса, HBO’нинг ушбу лойиҳаси, албатта, инсоният тарихидаги энг қиммат сериалга айланарди. Аммо ҳали ҳам “Дўстлар” етакчилик қилмоқда.
“Ажабтовур ишлар”
“Ажабтовур ишлар”нинг битта эпизоди продюсерларга тахминан 30 миллион долларга тушган — ушбу сериал Netflix’да ҳит бўлди.
Милли Бобби Браун, Вайнона Райдер ва Девид Ҳарбор каби етакчи актёрлар ҳар бир эпизод учун тахминан 350 000 доллар маош олган, шуни айтиш керакки, уларнинг гонорарлари 5-мавсумда кўтарилиши мумкин, бу эса фильмнинг ишлаб чиқариш харажатларини янада оширади.
“Тож”
Саройлар, ажойиб либослар, эски автомобиллар, чиройли пардоз, ҳашаматли кечки овқатлар ва зиёфатлар — тарихий драмалар ҳар доим продюсерлардан катта бюджет талаб қилади. Netflix лойиҳаси бўлган “Тож” ушбу жанрдаги энг қиммат сериалдир. Елизавета II ва Британия қироллик оиласи ҳаёти ҳақида ҳикоя қилувчи лойиҳанинг бир эпизоди нархи тахминан 13 миллион долларни ташкил этади.
Мисол учун, 2023 йилда чиқарилган бешинчи мавсумнинг умумий қиймати 143,3 миллион долларни ташкил этган, ҳар бир фасл атиги 10 қисмдан иборат бўлиб, бу бир эпизоднинг ўртача ишлаб чиқариш қиймати тахминан 14 миллион долларни ташкил этади.
“Узуклар ҳукмдори: қудрат узуклари”
Amazon “Узуклар ҳукмдори: қудрат узуклари” фильмининг биринчи ва иккинчи фасллари учун 1 миллиард доллар сарфлаган. Айни пайтда 16 та эпизод чиқди, уларнинг ҳар бирининг нархи тахминан 58 миллион долларни ташкил этади. “Узуклар ҳукмдори” фильмининг барча қисмларини яратиш бир вақтлар 281 миллион долларга тушганди — Жон Толкинга романларини фильмга мослаштириш ҳуқуқи учун 250 миллион доллар тўланган холос.
“Тонгги шоу”
Apple TV+ нинг энг муваффақиятли сериалларидан бирида аждарлар, элфлар, бежирим либослар, ҳашаматли саройлар ёки қизиқарли жанглар йўқ, лекин унда Женнифер Энистон ва Риз Уизерспун каби юлдузлар бор. Шу сабабли “Тонгги шоу” битта эпизодининг нархи 15 миллион долларга тушган, Энистон ва Уизерспун эса 1,2 миллион доллар олган.
“Тонгги шоу”нинг жами 31 та эпизоди эфирга узатилади, бу эса бутун Apple TV+ сериалини ишлаб чиқариш “Узуклар ҳукмдори”нинг бир фасли билан баробар қимматга тушади. Агар Энистон “Дўстлар” сериалидаги иштироки учун худди шундай гонорар олганида эди, эҳтимол у ҳозир Ер юзидаги энг бой одам бўларди.
“Қалъа”
Лойиҳанинг ҳар бир эпизоди нархи 50 миллион долларни ташкил этганига қарамай, мухлислар орасида машҳурликка эришолмаган сериал. Фильмда бош ролларни ижро этган Ричард Мадден ва Приянка Чопра ҳам актёрлик маҳоратлари билан томошабинларни ишонтира олмади. Ушбу сериалнинг катта бюджетини ҳисобга олган ҳолда Prime Video’нинг асосий муваффақиятсизлиги деб ҳисоблаш мумкин.
“Аждаҳо уйи”
“Аждаҳо уйи” сериали стриминг хизматига платформанинг оригинал ҳитига қараганда қимматга тушган. Ҳозирда 20 та эпизод экранларга чиққан, уларнинг ҳар бирининг бюджети 20 миллион долларни ташкил этади. “Аждаҳо уйи” энг кўп кўрилган HBO сериалларидан бирига айланганини (биринчи эпизодни 10 миллион томошабин кўрган) ҳисобга олсак, бундай харажатдан ажабланмаса ҳам бўлади.
“Ванда/Вижн”
“Ванда/Вижн” минисериали “Мандалориялик”дан кейин иккинчи энг қиммат Disney+ лойиҳасидир. Ушбу сериалнинг бир эпизоди нархи тахминан 25 миллион долларни ташкил этади, Marvel ҳитлар ишлаб чиқаришни ҳеч қачон камайтирмаган: масалан, “Қасоскорлар: интиҳо” фильмининг бюджети 400 долларни ташкил этган ва фильм кассада тахминан 1,1 миллиард доллар ишлаб топган. Агар “Ванда/Вижн” сериали яратувчилари атиги тўққиз қисм билан чекланмаганида эди, бу лойиҳа ишлаб чиқариш нархи бўйича етакчилардан бўларди.
Изоҳ (0)