“ЦСКА” футболчиси Аббосбек Файзуллаевнинг агенти Гермaн Ткаченко Football24 нашри билан суҳбатда ўзбекистонлик футболчи фаолиятини Португалияда давом эттириши мумкинлиги, аммо сўнгги сонияларда трансфер амалга ошмагани ҳақида гапирди.
Манбага кўра, дастлаб Файзуллаевнинг агенти “Бенфика” билан музокара олиб борган, аммо кейинчалик лиссабонликлар раҳбарияти бу трансфердан сиёсий сабабларга кўра воз кечган.
Ткаченко сўзларига кўра, “Бенфика” рус ёки Россия клубларида ўйнаётган футболчилар билан ишлашни рад этган.
Биз Файзуллаевни “Бенфика”га трансфер қилишимиз мумкин эди. Дастлабки музокарадан кейин Португал клуби рус футболчилари билан алоқа ўрнатишдан бош тортган. Улар “Россия билан алоқа ўрнатишни истамаймиз” , деган маънода фикр билдиришди, деди Ткаченко Football24 нашрига берган интервьюсида.
Маълумот учун, аввалроқ Файзуллаевга Германиянинг “Бавария” ва Туркиянинг “Галатасарой” клубларида таклифлар борлиги ҳақида хабарлар тарқалганди.
Изоҳ (0)