“SSKA” futbolchisi Abbosbek Fayzullayevning agenti German Tkachenko Football24 nashri bilan suhbatda o‘zbekistonlik futbolchi faoliyatini Portugaliyada davom ettirishi mumkinligi, ammo so‘nggi soniyalarda transfer amalga oshmagani haqida gapirdi.
Manbaga ko‘ra, dastlab Fayzullayevning agenti “Benfika” bilan muzokara olib borgan, ammo keyinchalik lissabonliklar rahbariyati bu transferdan siyosiy sabablarga ko‘ra voz kechgan.
Tkachenko so‘zlariga ko‘ra, “Benfika” rus yoki Rossiya klublarida o‘ynayotgan futbolchilar bilan ishlashni rad etgan.
Biz Fayzullayevni “Benfika”ga transfer qilishimiz mumkin edi. Dastlabki muzokaradan keyin Portugal klubi rus futbolchilari bilan aloqa o‘rnatishdan bosh tortgan. Ular “Rossiya bilan aloqa o‘rnatishni istamaymiz” , degan ma’noda fikr bildirishdi, dedi Tkachenko Football24 nashriga bergan intervyusida.
Ma’lumot uchun, avvalroq Fayzullayevga Germaniyaning “Bavariya” va Turkiyaning “Galatasaroy” klublarida takliflar borligi haqida xabarlar tarqalgandi.
