Самарқанд шаҳрида жойлашган Имом Мотрудий мажмуаси реконструкция қилинади. Бу ҳақда шаҳар ҳокимлиги ахборот хизмати хабар берди.
Унда айтилишича, мазкур бунёдкорлик ишлари давлат раҳбари имзолаган тегишли ҳужжат билан амалга оширилмоқда. Шаҳарнинг Чокардиза қабристонида жойлашган мажмуани реконструкция қилиш, ободонлаштириш ва инфратузилмани яхшилаш орқали йирик зиёрат марказини барпо этиш кўзда тутилган.
Қайд қилинишича, мазкур мақсадда ҳудуддаги 220 та турар ва нотурар жой объектлари ер участкасини жамоат эҳтиёжлари учун олинади. Мазкур масала юзасидан қилинган тақдимот халқ депутатлари вилоят Кенгашининг сессиясида маъқулланган. Вилоят ҳокимининг ўринбосари мазкур объектлар мулкдорлари билан очиқ муҳокама ўтказилиб, уларнинг розилиги асосида ер участкалари олинишини маълум қилган.
Сессия ишида шунингдек, Самарқанд шаҳридаги темирйўл орти қисмида жойлашган, шаҳар ва Самарқанд тумани ҳудудига кирувчи 3 мингга яқин маънан эскирган уй-жойлар ўрнида реновация лойиҳаси асосида 100 минг аҳоли учун кўп хонадонли уй-жойлар қурилиши амалга ошириладиган ҳудуд чегараси белгиланган.
Ўзбекистонда кўчмас мулкни оммавий баҳолаш тизими жорий этилади.
Оммавий баҳолаш ишлари қуйидаги босқичларда амалга оширилади:
- 2025–2026 йилларда – эксперимент тариқасида Тошкент шаҳрида;
- 2026–2027 йилларда – Нукус шаҳри ва вилоятлар марказларида;
- 2027 йил ва ундан кейинги йилларда – қолган ҳудудларда.
“Уй-жой ва ипотека бозорини янада ривожлантиришга оид қўшимча чора-тадбирлар тўғрисида”ги президент фармони қабул қилинган эди. Фармон билан Ўзбекистонда ипотека кредитларида тўловларнинг бир қисмини қоплаш учун субсидиялар оширилади.
Ўзбекистонда турар жойи ночор аҳволдаги оилаларга ўз ҳовлисида уй қуриш ва таъмирлашга 120 миллион сўмгача ипотека кредити ажратилади.
Изоҳ (0)