Самарқандда фуқаро А.Павленко вилоятдаги Шохи-Зинда кўчасида жойлашган Афросиёб археологик объекти яқинида ер қазиш ишлари олиб борилгани ҳақида президент порталига мурожаат қилган. Маданият вазирлиги мазкур ҳолатга муносабат билдириб, бу бўйича Самарқанд вилояти маданий мерос бошқармаси ва Археология институти ходимлари ўрганиш олиб борганини маълум қилди.
Маълум қилинишича, ЮНЕСКО томонидан Умумжаҳон мероси рўйхатига киритилган Афросиёб археологик объекти яқинида ободонлаштириш билан боғлиқ иншоот қуриш учун 9х9х2,5 метр (180 метр куб) ер кавланган. Шурф (кавланган жой) ўрганилганда ўрта асрларга оид сопол буюм қолдиқлари, ғишт бўлаклари ва шурфнинг юқори қисмида қабристон қолдиқлари аниқланган.
«Юқоридагиларни инобатга олиб, қазиш ва қурилиш ишларини олиб борган ташкилот бўйича аниқлик киритган ҳолда, ушбу ташкилотга нисбатан чоралар кўрилади», — дейилади муносабатда.
Аввалроқ Бухорода қўйхонага айлангани рад этилган «Чор минор» мадрасаси чорбоғида тандирдан ҳам фойдаланиб келингани маълум бўлгани, Қорақалпоғистонда мақбара ҳудудида қабр учун ерлар сотилаётгани, Самарқандда «снос»га тушган ҳудуддан топилган Қуръон оятлари туширилган қадимий қабртошлар қайси асрга ва кимга тегишли экани аниқлангани тўғрисида хабар берилганди.
Изоҳ (0)