Samarqand shahrida joylashgan Imom Motrudiy majmuasi rekonstruksiya qilinadi. Bu haqda shahar hokimligi axborot xizmati xabar berdi.
Unda aytilishicha, mazkur bunyodkorlik ishlari davlat rahbari imzolagan tegishli hujjat bilan amalga oshirilmoqda. Shaharning Chokardiza qabristonida joylashgan majmuani rekonstruksiya qilish, obodonlashtirish va infratuzilmani yaxshilash orqali yirik ziyorat markazini barpo etish ko‘zda tutilgan.
Qayd qilinishicha, mazkur maqsadda hududdagi 220 ta turar va noturar joy obyektlari yer uchastkasini jamoat ehtiyojlari uchun olinadi. Mazkur masala yuzasidan qilingan taqdimot xalq deputatlari viloyat Kengashining sessiyasida ma’qullangan. Viloyat hokimining o‘rinbosari mazkur obyektlar mulkdorlari bilan ochiq muhokama o‘tkazilib, ularning roziligi asosida yer uchastkalari olinishini ma’lum qilgan.
Sessiya ishida shuningdek, Samarqand shahridagi temiryo‘l orti qismida joylashgan, shahar va Samarqand tumani hududiga kiruvchi 3 mingga yaqin ma’nan eskirgan uy-joylar o‘rnida renovatsiya loyihasi asosida 100 ming aholi uchun ko‘p xonadonli uy-joylar qurilishi amalga oshiriladigan hudud chegarasi belgilangan.
O‘zbekistonda ko‘chmas mulkni ommaviy baholash tizimi joriy etiladi.
Ommaviy baholash ishlari quyidagi bosqichlarda amalga oshiriladi:
- 2025–2026 yillarda – eksperiment tariqasida Toshkent shahrida;
- 2026–2027 yillarda – Nukus shahri va viloyatlar markazlarida;
- 2027 yil va undan keyingi yillarda – qolgan hududlarda.
“Uy-joy va ipoteka bozorini yanada rivojlantirishga oid qo‘shimcha chora-tadbirlar to‘g‘risida”gi prezident farmoni qabul qilingan edi. Farmon bilan O‘zbekistonda ipoteka kreditlarida to‘lovlarning bir qismini qoplash uchun subsidiyalar oshiriladi.
O‘zbekistonda turar joyi nochor ahvoldagi oilalarga o‘z hovlisida uy qurish va taʼmirlashga 120 million so‘mgacha ipoteka krediti ajratiladi.
Izoh (0)