21 август куни Россия армияси бир неча йўналишларда ҳужумга ўтишга уриниб кўрди ва бу деярли муваффақиятсиз тугади. Украина шаҳарлари яна ракета ҳужумларига учради, бунга жавобан Украина Қуролли Кучлари Россия армиясининг ўқ-дорилар омборларига зарба беришни давом эттирди.
Зеленский офиси раҳбари маслаҳатчиси Михаил Подоляк россиялик сиёсатшунос Александр Дугиннинг қизи Дариянинг ўлимига Киевнинг ҳеч қандай алоқаси йўқлигини айтди. Украина хавфсизлик хизмати ҳисоб-китобларига кўра, Россиянинг ҳар 20 та ракета зарбасидан атиги биттаси ҳарбий объектга берилган. Россия Туроператорлари уюшмаси маълумотларига кўра, бу ёзда Қримга сайёҳлар оқими икки баравар камайган. 21 август куни Россия «техник сабабларга кўра» Қора денгиз шаҳарлариаро денгизда йўловчи ташишини тўхтатди. Meduza урушнинг 179-кунига оид асосий фотосуратларни тақдим этди.
Баҳмутнинг ўққа тутилиши оқибатлари
Донецк вилояти Баҳмут шаҳрида ўққа тутилиб вайрон бўлган дўкон харобалари ичида ётган ит. Бахмут деярли ҳар куни ўққа тутилмоқда, рус армияси шаҳарга бостириб киришга уринмоқда. Украина Қуролли кучларининг тезкор ҳисоботларига кўра, 21 августга ўтар кечаси еттита ҳужум (нафақат ракета артиллериясидан, балки тўп артиллериясидан ҳам) содир этилган.Фото: Reuters
Баҳмутдаги тунги отишмалардан сўнг, маҳаллий аҳоли вакили ҳовлисини тозалаш пайтида йиғилган чиқиндиларни аравада олиб кетмоқда.Фото: Reuters
Баҳмутдаги дўкон олдида турган Украина ҳарбийлари ва тинч аҳолиФото: Reuters
Одессадаги ишдан чиқарилган рус техникалари
Одессада рус армиясининг вайрон қилинган юк машинасидаги Z белгисини суратга олаётган эркак. Шаҳар нисбатан тинч: дон ташувчи кемалар портни тарк этмоқда, яқинда БМТ Бош котиби Антониу Гутерриш Одессага ташриф буюрган эди. Бироқ озми-кўпми шаҳарни ўққа тутиш давом этмоқда.Фото: Meduza
Мариуполлик аёл уйининг подъездига кирмоқда. Ўққа тутилганидан кейин ҳовли вайроналарга тўлиб кетган. Шаҳарда янги россияпараст ҳокимият «Азов» полкининг асирга олинган жангчилари устидан намойиш трибунали ташкил қилмоқчи. Украина президенти Владимир Зеленский агар шундай суд жараёни бўлса, Украина Россия билан музокара қилишдан бош тортишини айтди.Фото: Reuters
Мариупол туманларидан бирида вайрон қилинган ва ўқлардан шикастланган хусусий уйлар.Фото: Reuters
Мариуполлик аёл шаҳар бозорида.Фото: Reuters
Мариуполда вайрон бўлган ва қайта таъмирланмаган уй «снос» қилинмоқда. Мариуполга келган россиялик қурувчилар Россия Қурилиш вазирлиги томонидан тасдиқланган режа асосида вайрон бўлган уйларни бузишга киришди. Санкт-Петербург ҳукумати шаҳар Мариуполдаги 29 та объектни тиклашда ёрдам бермоқчи эканини эълон қилган. Санкт-Петербург шаҳарга 100 дан ортиқ қурилиш техникасини юборган.Фото: Reuters
Донбасс шимолидаги тинч аҳоли
Донецк вилоятининг Украина назоратидаги Дружковка шаҳрида велосипедчи ити билан баррикадалар орасидан ўтмоқда. Баррикадаларда «Украина Қуролли Кучларига шон-шараф» деган ёзув кўзга ташланади.Фото: AP Photo
Константиновка шаҳрида яшовчи аёл қўшниларининг идишларни сувга тўлдириб бермоқда. Бунинг учун аёлга соатлаб вақт керак бўлади. Шаҳарнинг кўплаб аҳолиси учун аёлнинг уйидаги манба — тоза сув олишнинг ягона йўли.Фото: AP Photo
Велосипед минган кекса киши Покровска кўчаси бўйлаб ҳаракатланмоқда. Шаҳар фронт чизиғидан бир неча ўнлаб километр узоқликда жойлашган. Аҳолиси эвакуация қилинаётган Донецк вилоятидаги ҳозир ишлаб турган ягона вокзал айнан шу ерда жойлашган. Шаҳар мунтазам равишда ўққа тутилмоқда.Фото: AP Photo
Изоҳ (0)