Тошкент вилоятининг Зангиота тумани ҳокими ўринбосари Хайрулла Хўжамқулов ерости йўли қурилишидаги муаммолар сабаб ишдан олинди. Бу ҳақда вилоят ҳокимлиги ахборот хизмати хабар берди.
Маълум қилинишича, вилоят ҳокими Зоир Мирзаев ер соти йўли қурилишининг тўхтаб қолишига сабаб сифатида кўрсатилган «снос» муаммоларини ўрганиш мақсадида Зангиота туманида бўлган.
Фақат давлат ёмон кўриниши керакми, нега иш тўхтаб қолган? Одатда «снос» муаммоси ҳал қилинмасдан туриб, иш бошланмайди-ку. «Снос» муаммосини ҳеч қачон туманнинг ўзи ҳал қилолмайди. Нега вилоятга мурожаат қилмадингиз, «снос» бўйича масъул бор. Менимча, сизларда ишни тугатишга хоҳиш кам. Қўлингиздан келмаса, айтмайсизми?, — дейди вилоят раҳбари воқеа жойига бориб масъуллар билан гаплашар экан.Зоир Мирзаев қурилиш буюртмачилари ва бажарувчилари билан суҳбатлашар экан, бир ой ичида уларнинг қурилишига халал бераётган муаммолар, «снос» масаласини ҳал қилишини айтади.
Қўшимча қилинишича, Хайрулла Хўжамқулов туман ҳокимининг қурилиш масалалари бўйича ўринбосари лавозимида ишлаган.
Мен бу масала юзасидан туман ҳокимига ҳам чора кўраман, — дейди вилоят раҳбари Зоир Мирзаев.Аввалроқ тумандаги ерости йўли қурилишининг тўхтаб қолиши жамоатчилик муҳокамасига сабаб бўлгани, шу боис Тошкент вилояти ҳокимлиги матбуот анжумани ташкил қилиб, ОАВ вакилларини қизиқтирган саволларга жавоб бергани хабар берилганди. Мазкур матбуот анжуманида сўз олган буюртмачи ва қурувчилар иш тўхтаб қолишига «снос» муаммолари ҳал этилмаганини айтган бўлса, вилоят ҳокимлиги масъули қурилишнинг тўхтаб қолиши фақат бунга боғлиқ бўлмаганини билдирганди.
Изоҳ (0)