Кундалик юмушлар, жисмоний фаолликнинг етишмаслиги киши ўзини лоҳас ҳиқ қилиши, бўшашишига сабаб бўлади. Қишдаги совуқ ҳароратда эса инсон организмига энергия ҳар қачонгидан ҳам зарурроқ бўлади.
Анор
Таркибида А, Б, C, Э ва П витаминлари, кальций, магний, калий, шунингдек, марганец мавжуд бўлган анор, энергияни кўпайтиради, организмни турли бактерияларга қарши кураша олишига ҳисса қўшади, Иштаҳани яхшилайди. Унинг ярмини ейиш ёки бир стакан анор шарбатини истеъмол қилиш кунлик меъёр ҳисобланади. Шунингдек, ундан соус тайёрлаш ва доналарини салат ва десертга қўшса ҳам бўлади.
Ёғсиз сут
Рибофлавин ( B2 витамини), кальций, фосфор, А, Б, C, Д витаминлари ҳамда бир қанча микроэлементларни ўз ичига олган сут организмни жисмоний фаолияти учун муҳим бўлган энергия манбайи ҳисобланади. Бир стакан сут кунлик меъёр саналанади. Уни шундоқ истеъмол қилишдан ташқари смузи ёки мюслига қўшиш, сули ёрмаси ёки бошқа ёрмалар билан қўшиб бўтқа ҳолида истеъмол қилиш мумкин.
Занжабил, ялпиз, наъматак, лимонлардан тайёрланадиган ўтли чойлар
С, Р, В1, В2, А, К, Е витаминлари, органик кислота, натрий, кальций, марганец ва темир моддасининг манбайи ҳисобланган бундай ўтли чойни истеъмол қилгандан кейин киши ўзини яхши ҳис қилади. Кунига 2 литрдан ичиш кунлик меъёр ҳисобланади.
Грэйпфрут
С, Е, В1, B2, Б3, Б6 витаминлари, каротиноидлар, макро ва микроэлементлар, шунингдек, мева кислоталари ҳамда пектинга бой бўлган грерпфрутлар, энергия манбайи бўлиш билан бирга, ақлий меҳнат ва касалликдан кейин куч тўплашга ёрдам беради. Ушбу меваларни кунига 1-2 дона барра ҳолида ейиш ёки шарбат ва сутли коктейлларга қўшиб истеъмол қилиш мумкин.
Буғдой бошоқлари
Э ва Б витаминлари, кальций, фосфор ва магнийни ўз ичига олган ушбу маҳсулот қондаги қанд миқдорини меъёрда бўлишини таъминлайди, асаб тизими учун муҳим бўлган летицин ишлаб чиқаришга ёрдам беради. 100 грамми кунлик меъёр ҳисобланадиган маҳсулни шўрва ёки иккинчи таомларга қўшиш тавсия қилинади.
Исмалоқ
Латеин, зиксантин, каротинидлар ҳамда Б1, B2, C, Р, РР, К, Е, витаминлари, оқсил ва аминокислоталарга бой бўлган исмалоқ, эрта қаришни олдини олади, тетиклаштиради ва хотирани мустаҳкамлайди. Уни кунига 100 граммдан салатларга қўшиш ёки зайтун ёғи, Сметана билан қўшиб бироз олов устида ушлаб таомларга қўшиш маслаҳат берилади.
Мол гўшти
Оқсил, В, А, С, РР гуруҳи витаминлари, калий, темир ва рух моддасининг кони ҳисобланган мол гўшти қон-томирлар аҳволини яхшилайди, диққатни оширади ва бақувват бўлишга сабабчи бўлади. Ушбу гўшт маҳсулотини кунига 100 граммдан кўп бўлмаган миқдорда, қайнатилган ҳолда истеъмол қилган яхши.
Бодом
B2, Э витамини, магний, кальций ва рух моддасининг манбайи бўлган бодомда юрак касалликлари, саратон ва инсультни олдини олиш хусусиятига эга бўлган антиоксидантлар ҳам мўл бўлади. Калорияга бой эканига қарамай энергияга бой бўлишда муҳим рол ўйнайдиган ушбу маҳсулотнинг кунлик меъёри 30 гр ҳисобланади. Уни майдалаб, йогурт ва сули ёрмасига қўшиб еса ҳам бўлади.
Денгиз ўтлари
Магний, темир, ёд, калий, кальций, марганец, фосфор, фтор ва В2, РР, Н, С витаминларини ўз ичига оладиган денгиз ўтлари инфекция ва турли касалликларга қарши самара беради. Уни кунига 100 граммдан кўп бўлмаган миқдорда салатларга қўшиб истеъмол қилиш керак.
Сули ёрмаси
Сули ёрмасида B гуруҳи витаминлари, калий, магний, фосфор, темир, шунингдек, марганец ва ёд бўлади. Унинг истеъмолидан кейин вазн кўпаймаса ҳам киши кун давомида ўзини энергияга тўла ҳис қилади. Кунлик меъёри 60 грамм бўлган ушбу ёрмани нонуштага бўтқа ҳолида истеъмол қилиш керак.
Гулкарам
С, В1, В2, РР витаминлари, калий, фосфор, магний, кальций ва темирни ичига оладиган карамнинг ушбу тури жиззакиликка қарши самарали курашади, энергия билан таъминлайди. Уни кунига 100 граммдан қовуриш ва парда тайёрланган пишлоқли соус билан қўшиб еган яхши.
Лавлаги
Бетаин, фоли кислотаси, B гуруҳи витаминлари, қолаверса бета-каротин, витамин C ва бошқа фойдали микроэлементларни ўзида мужассам қилган лавлаги қон айланишишини яхшилайди, ҳужайраларни кислород билан таъминлайди. Ундаги клетчатка, углевод ва табиий шакар организмни узоқ вақт энергияга бой бўлишига ҳисса қўшади. Кунлик меъёри 100-150 гр бўлган ушбу маҳсулотни қайнатиб ейиш ва салатларга қўшиш мумкин.
Сув
Сув организмни энергия билан таъминлайди. Сувсизланиш эса инсон танасидаги барча жараёнларни секинлаштиради ва шунинг ҳисобига киши ўзини ҳолсиз ҳис қилади. Қон айланиши ёмонлашади, тромблар пайдо бўлиши, инфекция юқиш хавфи юқори бўлгани сабаб ҳам мутахассислар кун давомида оз-оздан сув ичишни канда қилмаслик кераклигини таъкидлайди.
Изоҳ (0)