“Барселонa” қанот ҳужумчиси Рафинья фаолиятини Англия Премьер Лигасида давом эттириши мумкин. Бу ҳақида El Nacional нашрига таяниб Championat.com хабар бермоқда.
Манбанинг маълумотига кўра, 28 ёшли бразилиялик футболчи инглиз клубида Муҳаммад Салоҳнинг ўрнини эгаллаши мумкин, чунки мисрлик футболчининг шартномаси 2025 йил ёзида якунланади. Шу боис “мерсисайдликлар” унинг ўрнига янги футболчи қидирмоқда. “Барселона” Рафиньяни сотишга қарши эмас, лекин футболчи учун тахминан 100 миллион евро талаб қилмоқчи.
Маълумот учун Рафинья жорий мавсум барча мусобақалар доирасидаги 38 та учрашувда қатнашиб, 24 та гол ва 18 та голли узатмага муаллифлик қилган. Transfermarkt портали унинг нархни 80 миллион евро баҳоламоқда.
Изоҳ (0)