Футбол бўйича Европа Чемпионлар Лигаси 1/8 финал доирасидаги дастлабки учрашувлар бўлиб ўтди. УЕФА матбуот хизмати беллашувлардан кейин ҳафтанинг энг яхши футболчиси бўлиш учун номзодлар рўйхатини тақдим этди.
Рўйхатдан “Реал” ҳужумчиси Родриго, “Арсенал” етакчиси Мартин Эдегор, “Ливерпуль” дарвозабони Алиссон ва “Бавария” форварди Ҳарри Кейн жой олди.
Родриго “Атлетико”га қарши баҳсда “қироллик клуби”нинг биринчи голини ўз номига ёздириб қўйган бўлса, Эдегор “ПСВ“га қарши учрашувда 2 та гол киритди ҳамда бир марта шеригининг голига ҳаммуаллифлик қилди. Алиссон эса “ПСЖ”га қарши ўйинда 10 та сейв амалга ошириб, “Ливерпуль”нинг ғалабасига катта ҳисса қўшди. Кейн “Бавария — “Байер” учрашувида дубль муаллифига айланиб, мюнхенликларнинг ғалабасини таъминлади.
Маълумот учун, ушбу жамоалар ўртасидаги жавоб баҳси 12 ва13 март кунлари бўлиб ўтади.
Изоҳ (0)