АҚШнинг биринчи хоними Мелания Трамп ўзининг нафис услуби билан машҳур. Daily Mail журналистлари эса унинг гардеробини таҳлил қилиб, энг қиммат ва энг арзон кийимларини аниқлади. Нашрнинг ёзишича, энг қиммат кийим бу — Dolce & Gabbana брендига мансуб жакет бўлиб, у матога тикилган ҳажмли гул безаклари билан ажралиб туради. Мелания бу ёрқин либосда 2017 йилда Сицилияда ўтган G7 саммитида кўриниш берган. Жакет нархи — 51,5 минг доллар. Ундан кейинги ўринда эса Hermes Birkin 25 брендига мансуб ноёб Нилотиcус тимсоҳ терисидан тикилган сумка туради. Унинг нархи 50 минг доллар деб баҳоланган. Гардеробдаги яна бир ҳашаматли кийим — бу J. Mendel брендининг либоси бўлиб, Мелания Трамп уни 2018 йилда Буюк Британияда кечки овқатга борганда кийган. Ушбу либос нархи 6,9 минг доллардан бошланади. Бироқ биринчи хонимнинг гардеробида арзон кийимларга ҳам жой топилган. Энг арзон кийим — Зара брендининг I реаллй донът cаре, до ёу? деган баҳсли ёзув туширилган курткаси бўлди. Мелания бу курткани 2018 йилда мигрант болалар учун мўлжалланган бошпанага борганида кийиб, катта шов-шувга сабаб бўлган. Куртканинг нархи атиги 40 доллар бўлган. Арзон буюмлар орасида яна Converse Chuck Taylor All-Stars кроссовкаси — 50 доллар, шунингдек, Flotus (яъни “АҚШнинг биринчи хоними” деган қисқартма) ёзуви туширилган бейсбол кепкаси ҳам бор. Унинг нархи — 20 доллар.
Изоҳ (0)