Футбол бўйича Европа Чемпионлар Лигасининг 1/8 финал жавоб баҳсидан ўрин олган икки ўйин 10 март, чоршанба куни бўлиб ўтди.
ПСЖ ўз уйида «Барселона»ни қабул қилди. Учрашувнинг 30-дақиқасида Килиан Мбаппе пенальтини аниқ амалга ошириб, парижликларни олдинга олиб чиқди. Орадан кўп ўтмай каталонлар бунга Лионель Мессининг голи билан жавоб қайтарди.
Биринчи бўлим сўнгида «Барселона» ҳисобни ошириши мумкин эди, бироқ Мессининг пенальтидан берган зарбасини Кейлор Навас бартараф этишга муваффақ бўлди. Иккинчи бўлимда ҳисоб ўзгармади ва парижликлар дастлабки ўйиндаги йирик ғалаба (4:1) эвазига кейинги босқичга йўл олди.
«Ливерпуль» ва «Лейпциг» жамоалари ўртасидаги жавоб ўйини яна инглиз клубининг ғалабаси билан тугади. Муҳаммад Салоҳ ва Садио Мане томонидан киритилган тўплар «қизиллар»ни чорак финал сари етаклади.
Шу тариқа ПСЖ ва «Ливерпуль» Чемпионлар Лигаси чорак финалининг навбатдаги иштирокчиларига айланди. Аввалроқ «Боруссия Д» ва «Порту» йўлланмани қўлга киритганди.
Чемпионлар Лигаси
1/8 финал, жавоб баҳслари
10 март, чоршанба
ПСЖ Франция — «Барселона» Испания 1:1
Голлар: 1:0 – 30, пенальти Мбаппе, 1:1 – 37 Месси.ПСЖ: Навас, Кимпембе, Курзава (Диалло, 46), Маркиньос, Флоренци (Дагба, 76), Паредес, Верратти (Рафинья, 84), Гуйе (Данилу Перейра, 60), Дракслер (Ди Мария, 59), Икарди, Мбаппе.
«Барселона»: тер Штеген, Дест (Тринкау, 66), Альба, Мингеса (Фирпо, 35), Лангле, де Йонг, Бускетс (Мориба, 79), Педри (Пьянич, 78), Дембеле (Брэйтуэйт, 78), Гризманн, Месси.
Огоҳлантиришлар: Курзава (8), Мингеса (25), Лангле (30), де Йонг (38), Гуйе (50), Паредес (50), Икарди (89).
Дастлабки ўйин — 4:1
«Ливерпуль» Англия — «Лейпциг» Германия 2:0
Голлар: 1:0 – 70 Салоҳ, 2:0 – 74 Мане.«Ливерпуль»: Алиссон, Александер-Арнольд, Робертсон (Цимикас, 90), Кабак, Филлипс, Салоҳ, Вейналдум (Милнер, 82), Мане (Окслейд-Чемберлен, 90), Тиаго Алькантара (Кейта, 71), Диогу Жота (Ориги, 71), Фабиньо.
«Лейпциг»: Гулачи, Клостерманн, Упамекано, Мукиеле, Нкунку, Олмо (Айдара, 72), Кампл (Серлот, 46), Адамс, Забитцер, Форсберг (Клюйверт, 60), Поульсен (Ҳван Ҳи Чҳан, 60).
Дастлабки ўйин — 2:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)