Украина етакчиси Владимир Зеленский билан кескин музокаралардан сўнг АҚШ президенти Дональд Трамп у “тинчликка тайёр эмаслигини” айтди.
Бу ҳақда Америка етакчисининг Truth ижтимоий тармоғидаги саҳифасида эълон қилинган.
"Мен Зеленский тинчликка тайёр эмаслигини кўрдим, чунки у бизнинг иштирокимиз музокараларда унга катта устунлик беришини ҳис қилмоқда. Мен устунликни хоҳламайман, мен тинчликни хоҳлайман. У Овал кабинетда Америка Қўшма Штатларига ҳурматсизлик қилди. У тинчликка тайёр бўлганда яна музокараларга қайтиши мумкин”, деб ёзди Трамп.
Икки давлат президентлари ўртасидаги музокаралар даҳанаки жанг билан якунланган.
Учрашувни жонли эфирга узатган Associated Press уни “Овал офисдаги очиқ қарама-қаршиликнинг яққол намойиши” деб атади.
“Трамп Зеленскийни Украинанинг қимматбаҳо минералларига эгалик қилиш ҳуқуқини берувчи келишувга мажбурламоқчи. Шунингдек, уни Америка раҳбарининг шартларига кўра урушни дипломатик йўл билан ҳал қилишга ундамоқчи”, деб ёзади Associated Press.
Изоҳ (0)