Ирландия Украинага тинчликпарвар куч сифатида ўз қўшинларини юборишга тайёр. Бу ҳақда Ирландия бош вазири Мишел Мартин 27 февраль куни президент Владимир Зеленский билан учрашув якунида маълум қилди.
Сиёсатчилар урушни “барқарор ва мустаҳкам” тинч йўл билан ҳал этишга эришиш бўйича ишларни, шунингдек, бошқа бир қатор масалаларни муҳокама қилган.
Украинанинг Европа иттифоқига қўшилиш муддатларини тезлаштиришга жуда қатъий ҳаракат қилишимизни аниқ кўрсатдик. У бундан жуда манфаатдор, деди Мартин.
Ирландия бош вазири таъкидлашича, бу устувор вазифа, чунки у Украинага маълум хавфсизлик кафолатларини беради ва иқтисодий жиҳатдан келажакда мамлакат учун катта имкониятлар очади. Шунингдек, Мартин Украинани молиявий қўллаб-қувватлаш муаммосига ҳам изоҳ берди.
Биз Ирландиянинг Украинага молиявий ёрдами масаласини муҳокама қилдик. Мен Европа тинчлик жамғармаси доирасидаги мажбуриятларимиз Венгриянинг Европа иттифоқи томонидан ташкил этилган Европа тинчлик фонди маблағларини ажратишга вето қўйиши туфайли барбод бўлганини тушунтирдим, деди бош вазир.
Шу билан бирга, у Украинага молиявий ёрдам кўрсатишнинг муқобил усуллари кўриб чиқилаётганини ва учрашув давомида бир қатор ғоялар пайдо бўлганини таъкидлади.
Хусусан, уларда мактаб ўқувчиларини овқатлантириш бўйича кенг қамровли, аммо чекланган дастур мавжуд. Биз ушбу ташаббусни қўллаб-қувватлашга ваъда бердик ҳамда бу борада Украина амалдорлари билан ҳамкорлик қиламиз, деди у.
Бундан ташқари, Мартин Зеленскийнинг Европа эҳтимолий тинч келишувда марказий ўрин эгаллашига “жуда катта эътибор қаратаётганини” таъкидлади, шунингдек, Украина президенти АҚШнинг қўллаб-қувватлашини юқори баҳолашини айтди.
Британия Украинага қўшин жойлаштиришга тайёр
Буюк Британия бош вазири Кир Стармер унинг мамлакати хавфсизлик кафолатларини таъминлаш учун Украинага қўшин юборишга тайёрлигини айтди.
Бу, шунингдек, зарурат туғилганда, ўз қўшинларимизни жойлаштириш орқали Украина хавфсизлигини таъминлашга ҳисса қўшишга тайёр эканимиз ва истагимизни англатади. Украина хавфсизлигини таъминлашга кўмаклашиш қитъамиз ва мамлакатимиз хавфсизлигини кафолатлашга ёрдам беради, деди Стармер.
Шунингдек, Буюк Британия уруш тугаганидан сўнг Украина ҳаво ҳудудинини қўриқлаш учун Typhoon қирувчи самолётларини юборишни режалаштирмоқда.
Украинага хавфсизлик кафолатлари нима учун керак?
Украина президенти Владимир Зеленский АҚШ ўт очишни тўхтатишни исташи ва бу улар учун урушни тўхтатишни англатиши, бироқ Украина учун етарли эмаслиги ва кафолатлар кераклигини таъкидлаган.
Ишончим комилки, улар буни ҳақиқатан ҳам катта муваффақият, Путин яна ҳужумга журъат этмайди, деб ҳисоблайди. Бизда хавфсизлик кафолатлари бўлиши керак, деб ҳисоблаймиз, деган сиёсатчи.
Зеленскийнинг сўзларига кўра, хавфсизлик кафолатисиз ноаниқлик ҳукм суради ва ҳар доим Россиянинг такрорий ҳужуми хавфи бўлади.
Изоҳ (0)