АҚШ президенти Дональд Трамп Владимир Зеленский билан Оқ уйда учрашди. Украина ОАВ хабар қилишича, Овал кабинетдаги матбуот анжумани таранг вазиятда якунланган.
Украина раҳбари Киев ўт очишни тўхтатишга тайёр эмаслиги ва Вашингтондан хавфсизлик кафолатига муҳтож эканини айтганидан кейин вазият таранглашган.
Бунга жавобан Трамп Зеленскийга АҚШга етарлича “ҳурмат кўрсатмаётганини” ва “Америка ўзини қандай тутиши бўйича кўрсатма беришга ҳаққи йўқлигини” айтган.
Унинг қўшимча қилишича, Киев тинчлик ўрнатиш чоғида “муросаларга” бориши керак, агар Украина ҳукумати келишувдан бош торца, Қўшма Штатлар унда иштирок этмайди.
“Сиз бизга мен буни хоҳлайман, шуни хоҳлайман, деб айта олмайсиз. Бизсиз қўлингизда карталар йўқ, биздан миннатдор бўлишингиз керак. Биз сизга 350 миллиард доллар бердик, сиз ҳозир қийин аҳволдасиз. Мен урушни тўхтатмоқчи эмасман, дея олмайсиз. Ё биз бу битимни тузамиз ёки сиз ундан чиқиб кетасиз. Сиз миннатдорлик кўрсатмаяпсиз”, деди Трамп.
“Мен бу ерга карта ўйнаш учун келганим йўқ”, деб жавоб берди Зеленский ва Макрон ҳамда Меркель иштирокида Путин билан шартнома имзолаганини қўшимча қилди.
Шунингдек, Трамп минераллар бўйича келишув бугун имзоланишини айтди. Оқ уй раҳбарига “Агар ўт очишни тўхтатиш рўй бермаса, Украинага қўшимча қурол жўнатасизми?” деб берилган саволга у ижобий жавоб берди.
“Ҳа, биз кўпроқ қурол юборамиз. Аммо биз кўп қурол жўнатишни кутмаяпмиз, урушни тезда тугатиб, бошқа ишлар билан шуғулланишимиз учун умид қиламиз”, деди Трамп.
Учрашув Трамп Зеленскийни “Учинчи жаҳон урушини бошлаш билан ўйнашаётганликда” айблаши ва “Бу телевидение учун ажойиб шоу бўлади” деган сўзлари билан якунланди.
Изоҳ (1)
Iltimos bu kontentni yozganlar to'liq ko'rib keyin tarjima qilinglar.
Hammasi yaxshi edi Zelenskiyning Vancega bergan savoligacha:
Putin 2014-2018 yillarda tuzilgan shartnomani imzolab buzdi va Ukrainaga bostirib kirdi. Xo'sh kim kafolat beradi bu yana takrorlanmaslikka?
Vance javoban:
Siz bizga rahmat aytishiz kerak deb javob berdi va gapni boshqa tomonga burdi
Shunda Zelenskiyni jahli chiqib tortishuv ketdi.
AQSh uchun bu shunchaki sharmandalik begona tilda gapirayotyanni so'zidan ayb qidirish va bergan yordamiga rahmatni so'rab olish!