Тошкент шаҳар Мирзо Улуғбек туманида кўп қаватли уйларнинг биридаги хонадонда чақнаш содир бўлди. Ҳолат юзасидан ФВБ хабар берди.
Маълум қилинишича, 1 март куни соат 15:23 да Тошкент шаҳар ФВБга Мирзо Улуғбек тумани, Қорасув-4 мавзесида жойлашган кўп қаватли уйларнинг биридаги хонадонда чақнаш содир бўлгани тўғрисида хабар тушган.
Айтилган манзилга ёнғин-қутқарув экипажлари етиб борган. Воқеа жойига ФВБ, ИИББ, ССБ, прокуратура ва бошқа тегишли ташкилотлар ходимлари етиб борган.
Ҳозирда манзилда қутқарув ишлари олиб борилмоқда ва 5 нафар фуқаро қутқарилган, ҳалок бўлганлар тўғрисида маълумот келиб тушмаган.
Бундан аввал Тошкент шаҳрининг Яшнобод тумани, “Дўстобод” МФЙ, Махтумқули кўчасидаги кўп қаватли уйларнинг бирдаги хонадон ошхонасида газ-ҳаво аралашмасининг чақнаш содир бўлганди. Чақнаш оқибатида 1 нафар фуқаро куйиш тан жароҳати олиб, шифохонага юборилган.
20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди.
31 декабрь куни Чилонзор туманидаги овқат тайёрлаш жойида ёнғин содир бўлган эди.
2025 йил 25 февраль куни Тошкент шаҳрининг Яшнобод тумани, Авиасозлар 4-даҳасида жойлашган автомобиллар ювиш жойида ёнғин содир бўлганди.
Изоҳ (0)