Тошкент шаҳрининг Яшнобод тумани, “Дўстобод” МФЙ, Махтумқули кўчасидаги кўп қаватли уйларнинг бирдаги хонадон ошхонасида газ-ҳаво аралашмасининг чақнаш содир бўлди. Бу ҳақдаги хабар пойтахт ФВБга 26 февраль куни соат 17:37 да келиб тушган.
Ҳодиса натижасида ёнғин содир бўлмаган. Чақнаш оқибатида 1 нафар фуқаро куйиш тан жароҳати олиб, шифохонага юборилган.
Воқеа жойига ФВБ, ИИББ, ССБ, прокуратура ва бошқа тегишли ташкилотлар ходимлари етиб борган.
Ҳозирда мазкур ҳолат юзасидан дастлабки терговолди суриштирув ишлари олиб борилмоқда.
Октябрь ойида Қарши туманидаги автомобилларга суюлтирилган газ қуйиш шохобчасида ёнғин содир бўлганди.
Шунингдек, Андижондаги заправкада ҳаво-газ аралашмасининг чақнаши содир бўлганди.
Изоҳ (0)