Тошкент вилоятидаги ишлаб чиқариш корхонаси маъмурий-хўжалик биносида газ портлади. Бу ҳақда ФВВ матбуот хизмати хабар берди.
Маълум қилинишича, 5 декабрь куни соат 07:46 да Ўрта Сҳирчиқ тумани, “Ким Пен Хва” МФЙ, Қутб Юлдузи кўчасида жойлашган ишлаб чиқариш корхонаси маъмурий-хўжалик биносида газ-ҳаво аралашмасининг чақнаши содир бўлган. Чақнаш натижасида ёнғин содир бўлмаган.
Ҳодиса оқибатида 1 нафар фуқаро вафот этган, 6 нафар фуқаро тан жароҳати олиб, шифохонага ётқизилган.
Воқеа жойига фавқулодда вазиятлар вазири Абдулла Қўлдошев етиб борди ва унинг раҳбарлигида вазият оқибатлари бартараф этилмоқда. Шунингдек, ҳодиса жойига вилоят ФВБ раҳбарияти, туман ҳокимияти, Прокуратура, ИИБ, ССБ, “Ҳудудгазтаъминот” раҳбар ходимлари етиб борган. Айни вақтда ФВВнинг ёнғин-қутқарув экипажлари воқеа жойида амалий ҳаракатларни олиб бормоқда.
-sAnvJ-Oj.jpg)
Ҳозирда мазкур ҳолат юзасидан дастлабки терговолди суриштирув ишлари олиб борилмоқда.
Бундан аввал Бухорода хонадонларнинг бирида газ портлаши оқибатида икки киши вафот этганди. Ноябрь ойида эълон қилинган маълумотга кўра, 2024 йил бошидан буён газ билан боғлиқ 74 та ҳолат содир бўлган. Бунинг оқибатида 82 киши вафот этган, 80 киши турли даражадаги тан жароҳатлари олган.
Изоҳ (0)