Самарқанд вилояти Каттақўрғон туманида 11 июнь куни кимёвий қоришма ортилган машинада ёнғин юзага келди. Бу ҳақда вилоят Ички ишлар бошқармаси хабар қилди.
Қайд этилишича, ҳолат шу куни соат 15:30 ларда Каттақўрғон тумани «Кадан» маҳалласи ҳудудида содир бўлган. Labо транспорт воситасига ортилган кимёвий қоришма (пена)нинг қопқоғи сиқилган. Оқибатда чақнаш юзага келиб, ёнғин чиққан.
Ёнғин туман ФВБ томонидан ўз вақтида бартараф этилган. Ҳодиса оқибатида автомашинага шикаст етган. Вафот этган, жароҳат олганлар йўқ.
Ҳолат юзасидан Каттақўрғон тумани ИИБ томонидан терговга қадар текширув ҳаракатлари олиб борилмоқда.
Аввалроқ Самарқандда сомон ортилган юк машинаси ёниб кетгани, Тошкентдан Нукусга ҳаракатланиб кетаётган автобус ёниб кетгани, Наманганда Orlando’да ёнғин юз бергани ҳақида хабар берилган.