Британиянинг Оксфордшир графлигида чиқиндиларни қайта ишлаш заводига яшин тушди, шундан сўнг кучли портлаш содир бўлди, деб ёзмоқда BBC Severn Trent Green Power компаниясига таяниб.
Компания маълумотларига кўра, маҳаллий вақт билан 19:20 (Тошкент вақти билан 23:20) атрофида биогаз бакларидан бирига чақмоқ урилган ва газ ёниб кетган.
“Яхшиямки, ҳеч ким жабрланмади, биз фавқулодда хизматлар билан ҳудуд хавфсизлигини таъминлаш ва етказилган зарарни имкон қадар тезроқ баҳолаш учун ишлаяпмиз”, — дейилади компания баёнотида.
Эслатиб ўтамиз, 28-сентябр куни тунда Тошкент шаҳри Сергели туманидаги “Қурувчилар” даҳасида Inter Logistics МЧЖга қарашли омборхонада кучли портлаш ва ёнғин содир бўлганди. Ҳодиса оқибатида жабрланганларнинг умумий сони 163 кишини ташкил этди, бир нафар ўсмир ҳодиса оқибатида вафот этди.
Айрим хорижий нашрлар, портлашга чақмоқ уриши сабаб бўлгани ҳақида ёзди, аммо кейинчалик улар “чақнаш” сўзини нотўғри таржима қилгани маълум бўлди.
“Бугун.уз” ёзишича, портлаш содир бўлган омборда кимёвий воситалар сақланган.
Изоҳ (0)