Қашқадарё вилояти, Қарши тумани “Дашт” МФЙ ҳудудидан ўтувчи, Ғузор-Қарши автомобиль йўлида жойлашган автомобилларга суюлтирилган газ қуйиш шохобчасида 7 октябрь куни соат 15:45 да ёнғин содир бўлди. Бу ҳақда ФВВ матбуот хизмати хабар берди.
Маълум қилинишича, “Камаз-512” автомобилидан газ сақлаш ёмкостига газ қуйиш вақтида газ-ҳаво аралашмасининг чақнаши содир бўлган.
Чақнаш натижасида ёнғин юзага келган. Шунга кўра, 4 та ёнғин-қутқарув экипажи соат 15:56 да ҳодиса жойига етиб бориб, ёнғин соат 16:00 да ўраб олинган ва соат 16:45 да ўчирилган.
Ёнғин натижасида шохобча биносининг 22 м2 майдонда том қисми ёниб зарарланган.
Ҳодиса оқибатида тан жароҳати олган ва вафот этганлар йўқ.
Ҳозирда ёнғин сабаби ва моддий зарар миқдори аниқланмоқда.
Изоҳ (1)
Metan zapravkami bu? Hoshiyada propan deb yozilgan