Қозоғистонлик тадбиркорлар Ўзбекистонда қўшилган қиймат солиғи ва фойда солиғи ставкалари 2028 йил 1 январгача ошмаслиги сабабли бизнесларини қўшни мамлакатга кўчирмоқчи. Бу ҳақда “Аиран.кз” хабар берди.
Нашр журналистига кўра, Қозоғистонда солиқларни қанчалик ошириш кераклиги ҳақида баҳс кетаётган бир пайтда, қўшни Ўзбекистонда, аксинча, ҚҚС ва корпоратив солиқ ставкаларини оширишга уч йилга мораторий жорий этилди. Қозоғистонлик иқтисодчи Раҳим Ушакпаев бунга қуйидагича муносабат билдирмоқда:
Бир тадбиркор Қозоғистонда ҚҚС бўйича кутилаётган кескин солиқ ўзгаришлари туфайли унинг омборхона, металлга ишлов бериш, минерал ўғит ва тўқимачилик соҳаларидаги унга таниш бўлган беш нафар тадбиркор Ўзбекистонга кўчиш жараёнини бошлаб юборган. Айнан шу тарзда Қозоғистон минтақадаги инвестициялар ва тадбиркорлик фаолияти учун рақобатда мағлубиятга учрашга маҳкум, деди у.
Ўзбекистонда 2028 йилга қадар ҚҚС ва фойда солиғи ставкалари оширилмайди
Президент Шавкат Мирзиёевнинг 2024 йил 27 декабрдаги “Тадбиркорлар учун тенг шароитлар ва адолатли рақобат муҳитини таъминлаш бўйича навбатдаги чора-тадбирлар тўғрисида”ги фармони қабул қилинди. Унда 2028 йилга қадар қўшилган қиймат солиғи ва фойда солиғи ставкалари оширилмаслиги белгиланган.
- Шунингдек, 2025 йил 1 январдан 2028 йил 1 январга қадар тикув-трикотаж, пойабзал ва чарм-атторлик саноати йўналишларида ишлаб чиқариш фаолиятини юритаётган тадбиркорлик субъектлари учун фойда солиғи ва ўзларининг ходимлари учун жисмоний шахслардан олинадиган даромад солиғи ставкалари 1 фоиз этиб белгиланди.
- 2025 йил 1 апрелдан бошлаб даромадидан қатъи назар, фармацевтика маҳсулотлари савдоси билан шуғулланувчи ёки тиббий хизмат кўрсатувчи юридик шахслар қўшилган қиймат солиғини тўловчилар деб эътироф этилади.
- Тикланиш ва тараққиёт жамғармаси 2025 йилда айланма маблағларини тўлдиришга ажратиладиган кредитлар учун “Савдони ривожлантириш компаниясига” 2 фоиз ставкада 100 миллион доллар қўшимча маблағ ажратади. Маблағлар 5 йил муддатга, 2028 йил 1 январдан қайтарилиши керак.
- 2025 йил 1 январдан Ўзбекистон божхона чегарасидан олиб чиқиладиган ҳар бир килограмм пахта ип-калаваси учун йиғим унинг экспорт нархидан 2 фоиз миқдорда, бироқ 0,05 доллардан кўп бўлмаган миқдорда ўрнатилади.
Изоҳ (0)