Россиянинг Санкт-Петербург шаҳри Приморский туманида ўзбекистонлик қурувчи 16-қаватдан тушиб кетди. Бу ҳақда “78.ру” хабар берди.
13 январь куни “Строймастер” МЧЖ участкасининг 31 ёшли бошлиғи ҳолат юзасидан хабар берган. У “Квартал 35” турар жой мажмуаси қурилиш майдонида қаттиқ овоз эшитгани, прорабхонадан чиқиб, ҳодиса жойига яқинлашганда жасадни топганини айтган. Марҳум 16-қаватдан йиқилиб тушган қурилиш ишчиси —30 ёшли ўзбекистонлик арматурачи бўлган.
Мурда ўлим сабабини аниқлаш учун ўликхонага юборилган. Воқеа тафсилотлари аниқланмоқда. Жиноят ишини қўзғатиш масаласи ҳал этилмоқда.
Ўзбекистонликларнинг қурилишда ҳалок бўлишига оид сўнгги ҳолатлар:
- 26 ноябрь куни Санкт-Петербург шаҳри Муром кўчасида қурилиш вақти Ўзбекистон фуқароси томдан тушиб кетди. Марҳум ўзбекистонлик 47 ёшли муҳожир бўлиб, қурилиш компаниясига монтажчи бўлиб ишга кирган. Қурилиш майдонида ишлаётганида унда ҳимоя воситаси бўлмаган.
- 22 ноябрь куни Ленинград вилоятида 20 ёшли ўзбекистонлик ишчи қурилиш майдончасида вентиляция тешигига тушиб кетиб ҳалок бўлди.
- 3 ноябрь куни Ленинград вилоятида 19 ёшли ўзбекистонлик қурувчи тўққизинчи қаватдан тушиб ҳалок бўлганди.
Изоҳ (0)