Россияда фарзандини муттасил равишда қийнаб келган ўзбекистонлик аёл 4 йилга озодликдан маҳрум қилинди. Бу ҳақда болалар омбудсмани хабар берди.
2024 йил бошларида ижтимоий тармоқда ва қатор ОАВларда ёш болани аёл шафқатсизларча ураётгани, яна бир лавҳада эса ана шу болани аёл билан эркак ерга кўмаётгани тасвирланган видео тарқалганди. У Андижон вилояти Жалақудуқ туманида яшовчи А.Г. экани, 2016 йилдан бери Россиянинг Новосибирск шаҳрида турмуш ўртоғи Б.И. билан яшаб келиши аниқланганди. Видеотасвирдаги бола эса уларнинг 2019 йилда туғилган қизи Р.Х. бўлган.
Ўзбекистон болалар омбудсмани Бош прокуратурага киритган сўрови асосида Россия Тергов қўмитасининг Новосибирск шаҳри тергов бошқармаси томонидан А.Г.га нисбатан Россия Жиноят кодекси 117-моддаси (қийнаш) билан жиноят иши қўзғатилганди.
Россия Тергов қўмитасининг ахборотига кўра, мазкур жиноят иши суд томонидан кўриб чиқилиб, А.Г. 117-модда (қийнаш) 2-қисми “г” бандида назарда тутилган жиноятни содир этганликда айбдор деб топилиб, 4 йилга озодликдан маҳрум қилинди ҳамда жазони умумий тартибли колонияда ўташ белгиланди.
Хабарда айтилишича, қийноқлардан азият чекиб келган 1,5 яшар бола 2021 йил августида вафот этган. Онаси тиббий муассасага хабар бермай, болани ўзбошимчалик билан кўмган.
Изоҳ (0)