Ярим оғир вазн тоифасида жанг қилувчи ўзбекистонлик UFC жангчиси Богдан Гусков нима сабабдан жангларга Россия ва Ўзбекистон байроғини олиб чиқишини тушунтирди.
“Одамлар иккита байроқ туфайли салбий шарҳлар ёзадими? Ҳа, етарлича топилади. Улар мени деярли сотқинга чиқариб бўлишган: “руссан, лекин бошқа байроқ остида чиқасан”, дейишади. Мен бундай одамларга ҳатто жавоб бермайман. Келинг тушунтираман. Ўзбекистон менинг тарихий ватаним, бу мамлакат менга кўп нарса берди. Россияда яшасам ҳам ўзбекистонлик эмасман, деб айта олмайман.
Россияда мен қонун бўйича яшайман, ҳурмат қиламан ва ҳеч қандай қоидаларни бузмайман. Шу ерда машғулотларга қатнашаман, оилам бор, танишларим кўп. Мен учун хотираларимдан, дўстларимдан, болалигимдан воз кечиш хиёнат бўларди. Менинг ҳикоям шундай бўлиб чиқди, лекин мен ҳар икки давлат учун охиригача курашишга тайёрман”, дейди Богдан Гусков.
Маълумот учун, Гусков 1992 йили Дукентда (Тошкент вилояти) туғилган. 19 ёшида Москвага кўчиб кетган.
Богдан UFC’да ҳозирга қадар 4 та жанг ўтказиб, 3 та ғалаба ва 1 та мағлубият қайд этди. У Лига рейтингида 13-ўринни эгаллаб турибди.
Изоҳ (0)