Андижон вилоятида 21 февраль куни тўртта машина иштирокида ЙТҲ содир бўлди. Вилоят ЙҲХБ ҳолат юзасидан маълумот берди.
Келтирилишича, ҳолат 21 февраль куни соат 22:10 ларда Андижон тумани “Минг ўрик” МФЙ ҳудудида Асака—Андижон йўналишида содир бўлган. Шу йўналиш бўйлаб катта тезликда ҳаракатланиб келаётган Nexia-3 ҳайдовчиси оралиқ масофа сақламасдан ўзи билан бир йўналишда олдинда чорраҳадан ортга қайрилиб олмоқчи бўлган яна бир Nexia-3 нинг орқасидан бориб урилган.
Оқибатда рул бошқарувини йўқотиб, қарама-қарши томондан ҳаракатланиб келаётган Labo ҳамда SWМ G01 русумли автомашиналар билан тўқнашиб, йўл-транспорт ҳодисаси содир этган.
Ушбу ЙТҲ оқибатида тан жароҳати олиб, шаҳар шифохонасига мурожаат қилган шахслар бор.
Мазкур ҳолат юзасидан ҳозирда Андижон тумани ИИБ ЙҲХГ масъул ходимлари томонидан суриштирув ишлари олиб борилмоқда.
Содир бўлаётган ЙТҲлар
2024 йил 5 декабрь куни Тошкент шаҳрининг Мирзо Улуғбек ва Юнусобод туманларида 1,5 соат ичида ЙТҲлар содир бўлгани ҳақида хабар берилганди. Шунингдек, 6 декабрь куни Юнусобод ва Яшнобод туманларида ЙТҲлар содир бўлганди.
3 ноябрь тунда пойтахтнинг учта туманида ЙТҲ содир бўлди. Сергелида Spark ва Matiz тўқнашди, Юнусободда Lacetti йўл четидаги бетон устунга бориб урилди, Мирзо Улуғбек туманида Lacetti ва BMW тўқнашди.
11 ноябрь куни Миробод туманидаги “Санъат музейи” қаршисида Lacetti Кing Long автобуси орқасига бориб урилди. 16 ноябрда Яккасарой тумани Malibu йўл четидаги темир устунга урилди ва ҳайдовчиси ва йўловчиси жароҳат олди.
17 ноябрь куни Юнусобод туманида Toyota, Malibu-2 ва Cobalt автомашиналари иштирокида ЙТҲ содир бўлди. 24 ноябрь куни Мирзо Улуғбек туманида Spark ва Epica тўқнашиб, ёниб кетди. Ҳодиса оқибатида ҳалок бўлганлар йўқ.
Мирзо Улуғбек туманида 28 ноябрь куни соат 16:10 ларда 5 та автомашина иштирокида ЙТҲ содир бўлди.
2025 йил 13 февраль куни Самарқандда содир бўлган ЙТҲ оқибатида икки киши жароҳатланди.
17 февраль куни Самарқандда катта тезликда қизил чироқдан ўтган Gentra икки пиёдани уриб юборди.
Изоҳ (0)